Tua Palavra

|Job 10:1| Өмирден тойдым! Енди арзымды еркин айтаман, Ишимдеги ашшы дәрт пенен сөйлеймен.

|Job 10:2| Мен Қудайға былай деймен: «Мени айыплама. Мени не ушын айыплап атырғаныңды айт.

|Job 10:3| Ямаса мени езиў, Яғный Өз қолларың жаратқаннан бас тартыў, Залымлардың нийетлерин қоллаў Саған унай ма?

|Job 10:4| Сениң көзлериң инсанның көзлериндей ме? Ямаса Сен де олар қарағандай қарайсаң ба?

|Job 10:5| Сениң күнлериң де инсанның күнлериндей ме? Жылларың адамның жылларындай ма?

|Job 10:6| Не ушын мениң гүнамды излеп, Айыбымды табыўға асығасаң?

|Job 10:7| Бирақ Сен мениң айыпсыз екенимди, Сениң қолыңнан мени ҳеш кимниң қутқара алмайтуғынын билесең.

|Job 10:8| Сениң қолларың мени соғып, жаратты, Бирақ енди мени пүткиллей жоқ қылмақшымысаң?

|Job 10:9| Мени ылайдан қалай соққаныңды есле. Енди мени және топыраққа қайтармақшымысаң?

₁₀

|Job 10:10| Сен емес пе, мени анамның қурсағына сүт киби қуйған, Сол жерде мени иримтик киби қойылтқан,