Tua Palavra

|Job 18:1| Сонда шуўахлы Билдад былай деп жуўап берди:

|Job 18:2| — Бундай сөзлерди айтыўды қашан тоқтатасызлар? Ақылға келиңлер, соңынан сөйлесемиз.

|Job 18:3| Аюп, сен не ушын бизлерди ҳайўан деп санап турсаң? Не ушын көзиңе ақмақ болып көринип турмыз?

|Job 18:4| Ғәзеп пенен өз жаныңды жарақатлап атырсаң, Сени деп жер бети қаңырап қалып, Жартаслар өз орнынан қозғалыўы керек пе?

|Job 18:5| Дурыс, залымның оты сөнеди, Ҳәтте, ушқыны да қалмайды.

|Job 18:6| Шатырындағы жақтылық қараңғылыққа айланады, Жоқарысында турған шырасы да өшип қалады.

|Job 18:7| Кең қәдемлери қысқарып, Өз жобаларының қурбанына айланады.

|Job 18:8| Өз аяқлары оны торға жетелеп, Өзи барып, шуқырға түседи.

|Job 18:9| Дузақ оны табанынан қысып алып, Тор оны беккем услап алады.

₁₀

|Job 18:10| Ол ушын жерге бир дузақ жип қойылған, Жолында оны қақпан күтпекте.