Tua Palavra

|Job 17:1| Руўхым түскен, өмирим аз қалған, Қәбир мени күтип турыпты.

|Job 17:2| Мазақ қылыўшылар әтирапымды орап алған, Олардың қалай хорлық көрсетип атырғанын көрип турман.

|Job 17:3| Қудай, Өзиң маған кепил бола гөр, Сеннен басқа ким бар мени жақлайтуғын?

|Job 17:4| Сен мениң досларымның ақыл-санасын түсинбейтуғын етип жаўып қойдың, Сонлықтан Сен олардың жеңиске ерисиўине жол қоймайсаң.

|Job 17:5| Өз пайдасын гөзлеп, досларын сатқан адамның, Соқырлығының кесапаты балаларына тийеди.

|Job 17:6| Қудай мени адамлардың тилине түсирди, Олар бетиме түкирди.

|Job 17:7| Қайғыдан көзлерим қараўытып, Денемниң сүлдери қалды.

|Job 17:8| Әдил адамлар буны көрип шоршып кетер, Айыпсызлар қудайсызларға қарсы ғәзеп атына минер.

|Job 17:9| Сонда да әдил адамлар өз жолларына берик қалар, Қоллары таза болғанлар беккемленип бара берер.

₁₀

|Job 17:10| Қәне, сизлер және бир ҳәрекет етип көриң, Бәри бир араңыздан дана адам таба алмаспан.