Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Писмо: Стандардна Библија 
-
|Isaías 9:1| Но нема секогаш да има мрак таму, каде што сега тој е згустен. Поранешното време ја понизи земјата Завулонова и земјата Нефталимова; но подоцнежното — ќе го возвеличи крајморскиот пат, од онаа страна на Јордан, незнабожечка Галилеја.
-
Крај на војните
-
|Isaías 9:2| Народот, кој оди во темнина, ќе види голема светлина; врз оние што живеат во земјата на смртната сенка, ќе болсне светлина.
-
|Isaías 9:3| Ти ќе го умножиш народот, ќе ја зголемиш радоста негова. Тој ќе се весели пред Тебе, како што се веселат за време на жетва, како што се радуваат при делење на плен.
-
|Isaías 9:4| Зашто јаремот, кој му тежеше, и жезолот што го поразуваше, и стапот на неговиот угнетувач — Ти ќе ги скршиш, како во денот на Мидјан.
-
|Isaías 9:5| Зашто секоја војничка обувка во време на војна и облека, извалкана од крв, ќе бидат предадени на изгорување, за храна на огнот.
-
За Месијата
-
|Isaías 9:6| Зашто дете ни се роди — Син ни се даде; власта е на рамењата Негови, и ќе Го наречат: Чудесен Советник, Бог силен, Отец вечен, Кнез на мирот.
-
|Isaías 9:7| Неговата власт и мирот бескраен ќе растат врз престолот на Давид и во царството негово, за да го утврди Тој и да го зацврсти преку суд и правда отсега па довека. Тоа ќе го направи ревноста на Господ Саваот.
-
Казна за Израил
-
|Isaías 9:8| Господ му испраќа слово на Јаков, тоа слегува врз Израил,
-
|Isaías 9:9| за да знае сиот народ, Ефрем и жителите на Самарија, кои со гордост и надуено срце велат:
-
|Isaías 9:10| „Тулите паднаа, — ќе градиме со делани камења; смоквите се исечени, — ќе ги замениме со кедри.“
