Tua Palavra

|Isaías 66:1| כה אמר יהוה, השמים כסאי, והארץ הדם רגלי; אי-זה בית אשר תבנו-לי, ואי-זה מקום מנוחתי:

|Isaías 66:2| ואת-כל-אלה ידי עשתה, ויהיו כל-אלה נאם-יהוה; ואל-זה אביט, אל-עני ונכה-רוח, וחרד על-דברי:

|Isaías 66:3| שוחט השור מכה-איש, זובח השה ערף כלב, מעלה מנחה דם-חזיר, מזכיר לבנה מברך און; גם-המה, בחרו בדרכיהם, ובשקוציהם נפשם חפצה:

|Isaías 66:4| גם-אני אבחר בתעלליהם, ומגורתם אביא להם, יען קראתי ואין עונה, דברתי ולא שמעו; ויעשו הרע בעיני, ובאשר לא-חפצתי בחרו: ס

|Isaías 66:5| שמעו דבר-יהוה, החרדים אל-דברו; אמרו אחיכם שנאיכם מנדיכם, למען שמי יכבד יהוה, ונראה בשמחתכם והם יבשו:

|Isaías 66:6| קול שאון מעיר, קול מהיכל; קול יהוה, משלם גמול לאיביו:

|Isaías 66:7| בטרם תחיל ילדה; בטרם יבוא חבל לה והמליטה זכר:

|Isaías 66:8| מי-שמע כזאת, מי ראה כאלה, היוחל ארץ ביום אחד, אם-יולד גוי פעם אחת; כי-חלה גם-ילדה ציון את-בניה:

|Isaías 66:9| האני אשביר ולא אוליד יאמר יהוה; אם-אני המוליד ועצרתי אמר אלהיך: ס

₁₀

|Isaías 66:10| שמחו את-ירושלם וגילו בה כל-אהביה; שישו אתה משוש, כל-המתאבלים עליה: