Tua Palavra

|Isaías 28:1| הוי, עטרת גאות שכרי אפרים, וציץ נבל צבי תפארתו; אשר על-ראש גיא-שמנים הלומי יין:

|Isaías 28:2| הנה חזק ואמץ לאדני, כזרם ברד שער קטב; כזרם מים כבירים שטפים הניח לארץ ביד:

|Isaías 28:3| ברגלים תרמסנה; עטרת גאות שכורי אפרים:

|Isaías 28:4| והיתה ציצת נבל צבי תפארתו, אשר על-ראש גיא שמנים; כבכורה בטרם קיץ, אשר יראה הראה אותה, בעודה בכפו יבלענה: ס

|Isaías 28:5| ביום ההוא, יהיה יהוה צבאות, לעטרת צבי, ולצפירת תפארה; לשאר עמו:

|Isaías 28:6| ולרוח משפט; ליושב על-המשפט, ולגבורה, משיבי מלחמה שערה: ס

|Isaías 28:7| וגם-אלה ביין שגו, ובשכר תעו; כהן ונביא שגו בשכר נבלעו מן-היין, תעו מן-השכר, שגו בראה, פקו פליליה:

|Isaías 28:8| כי כל-שלחנות, מלאו קיא צאה; בלי מקום: ס

|Isaías 28:9| את-מי יורה דעה, ואת-מי יבין שמועה; גמולי מחלב, עתיקי משדים:

₁₀

|Isaías 28:10| כי צו לצו צו לצו, קו לקו קו לקו; זעיר שם זעיר שם: