Tua Palavra

|Isaías 63:1| מי-זה בא מאדום, חמוץ בגדים מבצרה, זה הדור בלבושו, צעה ברב כחו; אני מדבר בצדקה רב להושיע:

|Isaías 63:2| מדוע אדם ללבושך; ובגדיך כדרך בגת:

|Isaías 63:3| פורה דרכתי לבדי, ומעמים אין-איש אתי, ואדרכם באפי, וארמסם בחמתי; ויז נצחם על-בגדי, וכל-מלבושי אגאלתי:

|Isaías 63:4| כי יום נקם בלבי; ושנת גאולי באה:

|Isaías 63:5| ואביט ואין עזר, ואשתומם ואין סומך; ותושע לי זרעי, וחמתי היא סמכתני:

|Isaías 63:6| ואבוס עמים באפי, ואשכרם בחמתי; ואוריד לארץ נצחם: ס

|Isaías 63:7| חסדי יהוה אזכיר תהלת יהוה, כעל כל אשר-גמלנו יהוה; ורב-טוב לבית ישראל, אשר-גמלם כרחמיו וכרב חסדיו:

|Isaías 63:8| ויאמר אך-עמי המה, בנים לא ישקרו; ויהי להם למושיע:

|Isaías 63:9| בכל-צרתם לא (לו) צר, ומלאך פניו הושיעם, באהבתו ובחמלתו הוא גאלם; וינטלם וינשאם כל-ימי עולם:

₁₀

|Isaías 63:10| והמה מרו ועצבו את-רוח קדשו; ויהפך להם לאויב הוא נלחם-בם: