Tua Palavra

|Isaías 54:1| רני עקרה לא ילדה; פצחי רנה וצהלי לא-חלה, כי-רבים בני-שוממה מבני בעולה אמר יהוה:

|Isaías 54:2| הרחיבי מקום אהלך, ויריעות משכנותיך יטו אל-תחשכי; האריכי מיתריך, ויתדתיך חזקי:

|Isaías 54:3| כי-ימין ושמאול תפרצי; וזרעך גוים יירש, וערים נשמות יושיבו:

|Isaías 54:4| אל-תיראי כי-לא תבושי, ואל-תכלמי כי לא תחפירי; כי בשת עלומיך תשכחי, וחרפת אלמנותיך לא תזכרי-עוד:

|Isaías 54:5| כי בעליך עשיך, יהוה צבאות שמו; וגאלך קדוש ישראל, אלהי כל-הארץ יקרא:

|Isaías 54:6| כי-כאשה עזובה ועצובת רוח קראך יהוה; ואשת נעורים כי תמאס אמר אלהיך:

|Isaías 54:7| ברגע קטן עזבתיך; וברחמים גדלים אקבצך:

|Isaías 54:8| בשצף קצף, הסתרתי פני רגע ממך, ובחסד עולם רחמתיך; אמר גאלך יהוה: ס

|Isaías 54:9| כי-מי נח זאת לי, אשר נשבעתי, מעבר מי-נח עוד על-הארץ; כן נשבעתי מקצף עליך ומגער-בך:

₁₀

|Isaías 54:10| כי ההרים ימושו, והגבעות תמוטנה; וחסדי מאתך לא-ימוש, וברית שלומי לא תמוט, אמר מרחמך יהוה: ס