Tua Palavra

|Isaías 52:1| עורי עורי לבשי עזך ציון; לבשי בגדי תפארתך, ירושלם עיר הקדש, כי לא יוסיף יבא-בך עוד ערל וטמא:

|Isaías 52:2| התנערי מעפר קומי שבי ירושלם; התפתחו (התפתחי) מוסרי צוארך, שביה בת-ציון: ס

|Isaías 52:3| כי-כה אמר יהוה, חנם נמכרתם; ולא בכסף תגאלו:

|Isaías 52:4| כי כה אמר אדני יהוה, מצרים ירד-עמי בראשנה לגור שם; ואשור באפס עשקו:

|Isaías 52:5| ועתה מי- (מה-) לי-פה נאם-יהוה, כי-לקח עמי חנם; משלו (משליו) יהילילו נאם-יהוה, ותמיד כל-היום שמי מנאץ:

|Isaías 52:6| לכן ידע עמי שמי; לכן ביום ההוא, כי-אני-הוא המדבר הנני:

|Isaías 52:7| מה-נאוו על-ההרים רגלי מבשר, משמיע שלום מבשר טוב משמיע ישועה; אמר לציון מלך אלהיך:

|Isaías 52:8| קול צפיך נשאו קול יחדו ירננו; כי עין בעין יראו, בשוב יהוה ציון:

|Isaías 52:9| פצחו רננו יחדו, חרבות ירושלם; כי-נחם יהוה עמו, גאל ירושלם:

₁₀

|Isaías 52:10| חשף יהוה את-זרוע קדשו, לעיני כל-הגוים; וראו כל-אפסי-ארץ, את ישועת אלהינו: ס