Tua Palavra

|Isaías 25:1| יהוה אלהי אתה, ארוממך אודה שמך, כי עשית פלא; עצות מרחוק אמונה אמן:

|Isaías 25:2| כי שמת מעיר לגל, קריה בצורה למפלה; ארמון זרים מעיר, לעולם לא יבנה:

|Isaías 25:3| על-כן יכבדוך עם-עז; קרית גוים עריצים ייראוך:

|Isaías 25:4| כי-היית מעוז לדל מעוז לאביון בצר-לו; מחסה מזרם צל מחרב, כי רוח עריצים כזרם קיר:

|Isaías 25:5| כחרב בציון, שאון זרים תכניע; חרב בצל עב, זמיר עריצים יענה: פ

|Isaías 25:6| ועשה יהוה צבאות לכל-העמים בהר הזה, משתה שמנים משתה שמרים; שמנים ממחים, שמרים מזקקים:

|Isaías 25:7| ובלע בהר הזה, פני-הלוט הלוט על-כל-העמים; והמסכה הנסוכה על-כל-הגוים:

|Isaías 25:8| בלע המות לנצח, ומחה אדני יהוה דמעה מעל כל-פנים; וחרפת עמו, יסיר מעל כל-הארץ, כי יהוה דבר: פ

|Isaías 25:9| ואמר ביום ההוא, הנה אלהינו זה קוינו לו ויושיענו; זה יהוה קוינו לו, נגילה ונשמחה בישועתו:

₁₀

|Isaías 25:10| כי-תנוח יד-יהוה בהר הזה; ונדוש מואב תחתיו, כהדוש מתבן במי (במו) מדמנה: