Tua Palavra

|Isaías 58:1| קרא בגרון אל-תחשך, כשופר הרם קולך; והגד לעמי פשעם, ולבית יעקב חטאתם:

|Isaías 58:2| ואותי, יום יום ידרשון, ודעת דרכי יחפצון; כגוי אשר-צדקה עשה, ומשפט אלהיו לא עזב, ישאלוני משפטי-צדק, קרבת אלהים יחפצון:

|Isaías 58:3| למה צמנו ולא ראית, ענינו נפשנו ולא תדע; הן ביום צמכם תמצאו-חפץ, וכל-עצביכם תנגשו:

|Isaías 58:4| הן לריב ומצה תצומו, ולהכות באגרף רשע; לא-תצומו כיום, להשמיע במרום קולכם:

|Isaías 58:5| הכזה, יהיה צום אבחרהו, יום ענות אדם נפשו; הלכף כאגמן ראשו, ושק ואפר יציע, הלזה תקרא-צום, ויום רצון ליהוה:

|Isaías 58:6| הלוא זה צום אבחרהו, פתח חרצבות רשע, התר אגדות מוטה; ושלח רצוצים חפשים, וכל-מוטה תנתקו:

|Isaías 58:7| הלוא פרס לרעב לחמך, ועניים מרודים תביא בית; כי-תראה ערם וכסיתו, ומבשרך לא תתעלם:

|Isaías 58:8| אז יבקע כשחר אורך, וארכתך מהרה תצמח; והלך לפניך צדקך, כבוד יהוה יאספך:

|Isaías 58:9| אז תקרא ויהוה יענה, תשוע ויאמר הנני; אם-תסיר מתוכך מוטה, שלח אצבע ודבר-און:

₁₀

|Isaías 58:10| ותפק לרעב נפשך, ונפש נענה תשביע; וזרח בחשך אורך, ואפלתך כצהרים: