Tua Palavra

|Isaías 48:1| שמעו-זאת בית-יעקב, הנקראים בשם ישראל, וממי יהודה יצאו; הנשבעים בשם יהוה, ובאלהי ישראל יזכירו, לא באמת ולא בצדקה:

|Isaías 48:2| כי-מעיר הקדש נקראו, ועל-אלהי ישראל נסמכו; יהוה צבאות שמו: ס

|Isaías 48:3| הראשנות מאז הגדתי, ומפי יצאו ואשמיעם; פתאם עשיתי ותבאנה:

|Isaías 48:4| מדעתי כי קשה אתה; וגיד ברזל ערפך, ומצחך נחושה:

|Isaías 48:5| ואגיד לך מאז, בטרם תבוא השמעתיך; פן-תאמר עצבי עשם, ופסלי ונסכי צום:

|Isaías 48:6| שמעת חזה כלה, ואתם הלוא תגידו; השמעתיך חדשות מעתה, ונצרות ולא ידעתם:

|Isaías 48:7| עתה נבראו ולא מאז, ולפני-יום ולא שמעתם; פן-תאמר הנה ידעתין:

|Isaías 48:8| גם לא-שמעת, גם לא ידעת, גם מאז לא-פתחה אזנך; כי ידעתי בגוד תבגוד, ופשע מבטן קרא לך:

|Isaías 48:9| למען שמי אאריך אפי, ותהלתי אחטם-לך; לבלתי הכריתך:

₁₀

|Isaías 48:10| הנה צרפתיך ולא בכסף; בחרתיך בכור עני: