Tua Palavra

|Isaías 45:1| כה-אמר יהוה למשיחו לכורש אשר-החזקתי בימינו, לרד-לפניו גוים, ומתני מלכים אפתח; לפתח לפניו דלתים, ושערים לא יסגרו:

|Isaías 45:2| אני לפניך אלך, והדורים אושר (אישר); דלתות נחושה אשבר, ובריחי ברזל אגדע:

|Isaías 45:3| ונתתי לך אוצרות חשך, ומטמני מסתרים; למען תדע, כי-אני יהוה הקורא בשמך אלהי ישראל:

|Isaías 45:4| למען עבדי יעקב, וישראל בחירי; ואקרא לך בשמך, אכנך ולא ידעתני:

|Isaías 45:5| אני יהוה ואין עוד, זולתי אין אלהים; אאזרך ולא ידעתני:

|Isaías 45:6| למען ידעו, ממזרח-שמש וממערבה, כי-אפס בלעדי; אני יהוה ואין עוד:

|Isaías 45:7| יוצר אור ובורא חשך, עשה שלום ובורא רע; אני יהוה עשה כל-אלה: ס

|Isaías 45:8| הרעיפו שמים ממעל, ושחקים יזלו-צדק; תפתח-ארץ ויפרו-ישע, וצדקה תצמיח יחד, אני יהוה בראתיו: ס

|Isaías 45:9| הוי, רב את-יצרו, חרש את-חרשי אדמה; היאמר חמר ליצרו מה-תעשה, ופעלך אין-ידים לו: ס

₁₀

|Isaías 45:10| הוי אמר לאב מה-תוליד; ולאשה מה-תחילין: ס