Tua Palavra

₂₁

|Isaías 5:21| הוי חכמים בעיניהם; ונגד פניהם נבנים:

₂₂

|Isaías 5:22| הוי גבורים לשתות יין; ואנשי-חיל למסך שכר:

₂₃

|Isaías 5:23| מצדיקי רשע עקב שחד; וצדקת צדיקים יסירו ממנו: ס

₂₄

|Isaías 5:24| לכן כאכל קש לשון אש, וחשש להבה ירפה, שרשם כמק יהיה, ופרחם כאבק יעלה; כי מאסו, את תורת יהוה צבאות, ואת אמרת קדוש-ישראל נאצו:

₂₅

|Isaías 5:25| על-כן חרה אף-יהוה בעמו ויט ידו עליו ויכהו, וירגזו ההרים, ותהי נבלתם כסוחה בקרב חוצות; בכל-זאת לא-שב אפו, ועוד ידו נטויה:

₂₆

|Isaías 5:26| ונשא-נס לגוים מרחוק, ושרק לו מקצה הארץ; והנה מהרה קל יבוא:

₂₇

|Isaías 5:27| אין-עיף ואין-כושל בו, לא ינום ולא יישן; ולא נפתח אזור חלציו, ולא נתק שרוך נעליו:

₂₈

|Isaías 5:28| אשר חציו שנונים, וכל-קשתתיו דרכות; פרסות סוסיו כצר נחשבו, וגלגליו כסופה:

₂₉

|Isaías 5:29| שאגה לו כלביא; ושאג (ישאג) ככפירים וינהם ויאחז טרף, ויפליט ואין מציל:

₃₀

|Isaías 5:30| וינהם עליו ביום ההוא כנהמת-ים; ונבט לארץ והנה-חשך, צר ואור, חשך בעריפיה: פ