Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
O‘zbek tilidagi Muqaddas Kitob 
-
Ilyos Sinay tog‘ida
-
|1 Reyes 19:1| Axab Ilyos qilgan hamma ishlarni, barcha payg‘ambarlarni qanday qilib qilichdan o‘tkazganini Izabelga aytib berdi.
-
|1 Reyes 19:2| Izabel Ilyosga chopar orqali shu xabarni yetkazdi: “Payg‘ambarlarning jonini qanday olgan bo‘lsang, ertaga shu vaqtda men ham sening joningni olmasam, xudolar meni har qanday jazoga mubtalo qilsin, undan ham battarrog‘iga duchor qilsin.”
-
|1 Reyes 19:3| Ilyos bu xabarni eshitdi–yu, o‘rnidan turib, jonini qutqarish umididaYahudoning Bersheva shahri 1 tomon yo‘l oldi. Xizmatkorini o‘sha shaharda qoldirib,
-
|1 Reyes 19:4| yolg‘iz o‘zi cho‘lda bir kun yo‘l yurdi. Nihoyat, bir yulg‘un daraxti ostiga kelib o‘tirdi. O‘ziga o‘zi o‘lim tilab: — Yetar, ey,Egam ! — deb xitob qildi u, — endi jonimni olaqol. Axir, ota–bobolarimdan mening ortiq joyim yo‘q.
-
|1 Reyes 19:5| Ilyos yulg‘un ostida yotib uxlab qoldi. Bir payt farishta uni turtib: “Tur, taom yeb ol”, — dedi.
-
|1 Reyes 19:6| Ilyos turib qarasa, bosh tomonida issiq tosh ustida pishgan non, ko‘zada suv turibdi. U yeb–ichib bo‘lib, yana yotdi.
-
|1 Reyes 19:7|Egamizning farishtasi ikkinchi daf’a qaytib keldi va Ilyosga teginib: “Tur, taom yeb ol, oldingda hali uzoq yo‘l turibdi”, dedi.
-
|1 Reyes 19:8| Ilyos o‘rnidan turib yeb–ichib oldi. Taomning quvvati bilan qirq kechayu qirq kunduz yo‘l yurib Xudoning tog‘i Sinayga 2 yetib keldi.
-
|1 Reyes 19:9| Ilyos Sinay tog‘idagi bir g‘orga kirib, o‘sha yerda tunadi. Bir paytEgamiz undan: “Ey, Ilyos, bu yerlarda nima qilib yuribsan?” deb so‘radi.
-
|1 Reyes 19:10| — Ey,Parvardigori Olam — Egam, Sen uchun ko‘p jon kuydirgan edim, — dedi Ilyos. — ChunkiIsroil xalqi Sen bilan qilgan ahddan qaytdi,qurbongohlaringni buzdi, payg‘ambarlaringni qilichdan o‘tkazdi. Ey, Egam, Sening payg‘ambarlaringdan yolg‘iz men qoldim, xolos. Endi jonimni olish uchun meni ham qidirib yuribdilar.
