Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Писмо: Стандардна Библија 
-
Навал одбива да му помогне на Давид
-
|1 Samuel 25:1| И Самоил умре. Тогаш се собраа сите Израилци, го оплакаа и го погребаа во куќата негова, во Рама. Давид стана и слезе кон пустината Фаран.
-
|1 Samuel 25:2| Имаше во Маон еден човек многу богат, а имотите му беа на Кармил. Тој имаше три илјади овци и илјада кози. Тој беше на стрижење кај овците свои на Кармил.
-
|1 Samuel 25:3| Тој човек се викаше Навал, а жена му се викаше Авигеја. Таа жена беше многу умна и убава, а тој — жесток и лош човек; тој беше од родот на Халев.
-
|1 Samuel 25:4| Давид слушна во пустината дека Навал ги стриже (на Кармил) овците свои.
-
|1 Samuel 25:5| И Давид испрати десет момци, и им рече Давид на момците: „Одете на Кармил, појдете кај Навал, поздравете го од мое име
-
|1 Samuel 25:6| и кажете му вака: ‚Мир на тебе, мир на твојот дом, мир на сѐ што е твое!
-
|1 Samuel 25:7| Денес слушнав дека ти ги стрижат овците; ете, овчарите твои беа со нас, и ние не ги навредувавме, и ништо кај нив не се загуби за сето тоа време, додека стоеја на Кармил.
-
|1 Samuel 25:8| Прашај ги слугите свои, и тие ќе ти кажат. Затоа нека најдат момците благонаклоност во очите твои, бидејќи во добар ден дојдовме. Дај им, пак, на слугите твои и на синот свој Давид она што ти се наоѓа при рака.‘“
-
|1 Samuel 25:9| Давидовите луѓе отидоа и му ги кажаа на Навал од името на Давид сите тие зборови, и замолчаа.
-
|1 Samuel 25:10| Навал (скокна и) им одговори на Давидовите слуги и рече: „Кој е тој Давид, кој е тој син Јесеев? Сега има многу слуги кои бегаат од господарите свои.
