Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Писмо: Стандардна Библија 
-
Давид и Голијат
-
|1 Samuel 17:1| Филистејците ги собраа војските свои за војна, се сместија во Сохо, град јудејски, и поставија логор меѓу Сохо и Азека, во Ефес-Дамим.
-
|1 Samuel 17:2| А Саул и Израилците се собраа и си поставија логор во Теревинтската Долина и се подготвија за војна против Филистејците.
-
|1 Samuel 17:3| И застанаа Филистејците од едната страна на планината, и Израилците од другата страна на планината, а меѓу нив беше долината.
-
|1 Samuel 17:4| А од Филистејскиот логор излезе еден јунак, по име Голијат, од Гет. Беше висок шест лакти и педа.
-
|1 Samuel 17:5| На главата имаше бакарен шлем; а беше облечен во лушпест оклоп, и оклопот тежеше пет илјади шекели бакар.
-
|1 Samuel 17:6| На нозете имаше бакарни ногавици до над колената и на плеќите свои — бакарен штит.
-
|1 Samuel 17:7| Дршката на копјето негово беше како ткаечко кросно, а самото копје — беше од шестотини шекели железо; пред него одеше оруженосец.
-
|1 Samuel 17:8| И застана тој и викна кон израилските војски, велејќи им: „Зошто сте излегле да војувате? Нели сум јас Филистеец, а вие робови Саулови? Изберете си еден човек и нека слезе кај мене!
-
|1 Samuel 17:9| Ако тој може да се бие со мене и да ме убие, ние ќе ви бидеме робови; ако, пак, јас го победам и го убијам, вие ќе ни бидете робови и ќе ни служите.“
-
|1 Samuel 17:10| Рече уште Филистеецот: „Денес ќе ја засрамам војската Израилева; дајте ми човек, и ние двајца ќе се биеме.“
