Tua Palavra

Үхлүүт өвчнөөс эдгэхийн төлөө залбирал

|Salmos 6:1| Удирдаачид. Давидын дуулал, чавхдаст хөгжимд. Шеминитийн дагуу. ЭЗЭН, уураараа намайг бүү зэмлээч. Хилэнгээрээ намайг бүү гэсгээгээч.

|Salmos 6:2| Сул доройгийн минь учир ЭЗЭН, намайг өршөөгөөч. Яс минь янгинахын учир ЭЗЭН, намайг эдгээгээч.

|Salmos 6:3| Сэтгэл минь ихэд шанална. ЭЗЭН минь, гэвч Та хэр удах вэ?

|Salmos 6:4| ЭЗЭН, эргэн ирж, сэтгэлийг минь хэлтрүүлээч. Энэрэл хайрынхаа учир намайг авраач.

|Salmos 6:5| Үхдэл нь Таныг үл дурсана. Үхэгсдийн оронд хэн Танд талархах вэ?

|Salmos 6:6| Ёололдоо би туйлдав. Хайлалдаа ор минь шөнө бүр живнэм. Нулимсанд нэвчив, дэвсгэр минь.

|Salmos 6:7| Гашуудлаас болж нүдний минь гал бөхөв. Өстнүүдээсээ болж нүд минь харанхуйлав.

|Salmos 6:8| Ёс бусыг үйлдэгчид та бүгд надаас холд Учир нь ЭЗЭН миний уйлан гингэнэх дууг сонсов. ^g

|Salmos 6:9| ЭЗЭН миний гуйлтыг сонссон бөгөөд ЭЗЭН миний залбирлыг хүлээн авдаг.

₁₀

|Salmos 6:10| Миний бүх дайсан ичгүүрт орж, ихэд зүрхшээнэ. Тэд гэнэт ичиж, ухрах болно.