Tua Palavra

Иерусалимыг хамгаалагч Бурханыг магтагтун!

|Salmos 147:1| ЭЗЭНийг магтагтун! Бурханыгаа магтан дуулах нь Юутай сайн бэ! Учир нь Тэрээр тааламжит бөгөөд магтаалд зохистой.

|Salmos 147:2| ЭЗЭН Иерусалимыг босгон барьж, Тэрээр Израилийн дүрвэгсдийг цуглуулж байна.

|Salmos 147:3| Эмтэрсэн зүрхтэй хүмүүсийг анагааж, Шархыг нь боож байна.

|Salmos 147:4| Тэрээр оддыг тоогоор нь дугаарлаж, Бүгдийг нь нэрлэн дууддаг.

|Salmos 147:5| Эзэн маань аугаа, ихэд хүчтэй бөгөөд Оюун ухаан нь хязгааргүй.

|Salmos 147:6| ЭЗЭН, дорой нэгнийг өргөн түшиж, Муу буруу хүнийг газарт унагадаг.

|Salmos 147:7| ЭЗЭНд талархалтайгаар дуулагтун. Бидний Бурханд ятгаар магтан дуулагтун.

|Salmos 147:8| Тэрээр тэнгэрийг үүлсээр бүрхэн Газар дэлхийд бороог бэлтгэж, Уулсын дээр зүлэг ногоог ургуулдаг.

|Salmos 147:9| Араатан амьтанд хийгээд Гуагалан буй залуу хэрээнүүдэд Тэрээр хоол хүнсийг нь өгдөг.

₁₀

|Salmos 147:10| Тэрээр морины чадалд бахаддаггүй, Хүний хөлд ч баярладаггүй.