Tua Palavra

Хавчигсдаас ангижрахуйн төлөө залбирал

|Salmos 142:1| Давидын маскил. Агуйд байх үеийнх нь залбирал. Дуу хоолойгоороо ЭЗЭНд чангаар хашхирлаа, би Дуу хоолойгоороо ЭЗЭНээс гуйлаа, би.

|Salmos 142:2| Түүний өмнө гомдолоо уудалж, Зовлон шаналангаа Түүний өмнө ярилаа, би.

|Salmos 142:3| Сүнс минь миний дотор сульдахад Зам мөрийг минь Та мэдэж байжээ. Явах тэр замд минь Надад тэд урхи нуусан байжээ.

|Salmos 142:4| Баруун тал уруу би харж ажиглалаа. Намайг тоох хэн ч алга. Надад хоргодох газар ч үлдсэнгүй. Сэтгэлийг минь эрэлхийлэгч нэг ч үгүй.

|Salmos 142:5| Аяа ЭЗЭН, би Танд хашхирч, хэлэхдээ “Миний хоргодох газар, Амьдын нутагт миний хувь Та юм.

|Salmos 142:6| Хашхирах дууг минь анхааран сонсооч. Учир нь би маш дорд болгогджээ. Миний хувьд тэд хэт хүчтэй тул Намайг мөшгөгчдөөс минь авраач!

|Salmos 142:7| Сэтгэлийг минь шоронгоос ⁶⁴ гаргаач! Би Таны нэрд талархал өргөе. Та надад өгөөмөр хандах учир Зөвтүүд намайг хүрээлнэ” гэсэн.