Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
O‘zbek tilidagi Muqaddas Kitob 
-
Isroil xalqi shoh O‘gni mag‘lub qiladi
-
|Deuteronomio 3:1| Keyin bizBashan o‘lkasiga yo‘l oldik. Bashan shohi O‘g o‘zining hamma lashkarini boshlab, Edrey shahri yaqinida biz bilan jang qilgani chiqdi.
-
|Deuteronomio 3:2| ShundaEgamiz menga dedi: “O‘gdan qo‘rqma. Men uning o‘zini, lashkarini va butun yurtini sening qo‘lingga berganman.Amor xalqining Xashbonda yashagan shohi Sixo‘nni nima qilgan bo‘lsang, uni ham shunday qilasan.”
-
|Deuteronomio 3:3|Egamiz Xudo Bashan shohi O‘gni ham hamma lashkari bilan birga bizning qo‘limizga berdi. Biz birorta tirik jon qoldirmay hammasini halok qildik.
-
|Deuteronomio 3:4| Uning hamma shaharlarini — oltmishta shahrini oldik.Bashandagi O‘gning shohligiga kirgan butun Argob hududini qo‘lga kiritdik, biz olmagan birorta ham shahar qolmadi.
-
|Deuteronomio 3:5| Bu mustahkam shaharlarning hammasi baland devorlar bilan o‘ralgan, darvozalari tambalangan edi. Bulardan tashqari, devor bilan o‘ralmagan ko‘p qishloqlar ham bor edi.
-
|Deuteronomio 3:6| Biz Xashbon shohi Sixo‘nning shaharlarini qanday vayron qilgan bo‘lsak, O‘gning shaharlarini ham shunday vayron qildik. Bu shaharlarni erkagu ayollari va bolalari bilan birga yo‘q qildik.
-
|Deuteronomio 3:7| Hamma chorva va shaharlardagi o‘ljani o‘zimizga oldik.
-
|Deuteronomio 3:8| Shunday qilib, o‘shanda biz Iordan daryosining sharq tomonida hukmronlik qilgan ikkala Amor shohini mag‘lub qildik. Janubdagi Arnon soyligidan to shimoldagi Xermon tog‘igacha cho‘zilgan yerlarini qo‘lga kiritdik.
-
|Deuteronomio 3:9| (Xermon tog‘iniSidonliklar — “Siriyon”, Amor xalqi — “Sanir” deb atashadi.)
-
|Deuteronomio 3:10| Biz Bashanda hukmronlik qilgan shoh O‘gning butun shohligini, yassi tepalikdagi hamma shaharlarini, sharqdagi Salko va Edreygacha bo‘lgan butunGilad va Bashan o‘lkalarini qo‘lga kiritdik.
