Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Mateo 12:1| Бир раатлыкъ куню Иса богъдай тарласындан кечип кетеята эди. Онынъ шегиртлери ач олып, богъдай башакъларыны къопарып ашамагъа башладылар.
-
|Mateo 12:2| Фериселер буны корип, Исагъа: — Бакъ, Сенинъ шегиртлеринъ раатлыкъ кунюнде япмагъа мумкюн олмагъан шейни япалар! — дедилер.
-
|Mateo 12:3| — Я сиз Давут озю ве онынъ адамлары ач къалгъанда, не япкъанлары акъкъында окъумадынъызмы? — деди оларгъа Иса.
-
|Mateo 12:4| — Алланынъ Эвине кирип, Давут озю ве янындакилери тек руханийлерге ашамагъа мумкюн олгъан теклиф пителерини ашагъанлар.
-
|Mateo 12:5| Алланынъ Сарайында руханийлер раатлыкъ кунюни бозсалар да, гуналы сайылмагъанлары акъкъында Мусанынъ Къанунында окъумадынъызмы?
-
|Mateo 12:6| Мен сизлерге айтам: бу ерде Алланынъ Сарайындан да буюк Адам бар.
-
|Mateo 12:7| Эгер сизлер «Мен къурбан истемейим, мерамет истейим» деген сёзлернинъ манасыны бильген олсанъыз, къабаатсыз адамларны къабаатламаз эдинъиз.
-
|Mateo 12:8| Инсан Огълу — раатлыкъ кунюнинъ Раббисидир.
-
|Mateo 12:9| Иса о ерден кетип, оларнынъ синагогасына кельди.
-
|Mateo 12:10| Анда къолу сакъатланып къуругъан бир адам бар эди. Исадан: — Къанунгъа коре, раатлыкъ куню хастаны тедавийлемек мумкюнми? — деп сорадылар. Керчектен, Оны къабаатламагъа бир себеп къыдыра эдилер.
