Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Mateo 25:1| О вакъытта Кок Падишалыгъы бунъа ошайджакъ: он къыз лампат алып, киевни къаршыламагъа чыкътылар.
-
|Mateo 25:2| Олардан беши акъылсыз, беши исе акъыллы экен.
-
|Mateo 25:3| Акъылсыз сойлары лампатларны алып, янына зейтюн ягъы алмагъанлар.
-
|Mateo 25:4| Акъыллы сойлары исе лампатларнен бардачыкъларда ягъ алгъанлар.
-
|Mateo 25:5| Киев кеч къалгъаны себебинден, эписи къызлар юкъусырай-юкъусырай юкълап къалдылар.
-
|Mateo 25:6| Яры геджеде бир сес янъгъырады: «Киев келе! Оны къаршыламагъа чыкъынъыз!»
-
|Mateo 25:7| Къызларнынъ эписи турып, яхшы янсын деп, лампатларыны догъурттылар.
-
|Mateo 25:8| Акъылсызлар акъыллыларгъа: «Лампатларымыз сёне, бизлерге ягъларынъыздан беринъиз!» — дедилер.
-
|Mateo 25:9| Акъыллылар джевап берип: «Ёкъ, бизлерге де, сизлерге де ягъымыз етмейджек. Сиз тюкянгъа барып, озьлеринъизге ягъ сатын алынъыз», — дедилер.
-
|Mateo 25:10| Олар ягъ алмагъа кеткенде, киев кельди. Азыр тургъан къызлар киевнен тойгъа кирдилер ве оларнынъ артындан къапу япылды.
