Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Mateo 17:1| Алты кунь кечкен сонъ, Иса янына Пётрны, Якъупны ве онынъ къардашы Юханны алды ве тек оларнен берабер бир дагъгъа котерильди.
-
|Mateo 17:2| Исанынъ бутюн корюниши оларнынъ козьлери огюнде денъишти: Онынъ бети кунеш киби парылдады, урбасы исе козь къамаштырып бем-беяз олды.
-
|Mateo 17:3| Бакъса, оларнынъ огюнде Муса ве Ильяс пейда олдылар да, Исанен субетлешип башладылар.
-
|Mateo 17:4| Пётр Исагъа: — Раббим, бу ерде бизге не яхшы я! Эгер истесенъ, мен мында учь чалаш къурайым: бириси Санъа, бириси Мусагъа ве бириси Ильяскъа олсун, — деди.
-
|Mateo 17:5| Пётр бу сёзлерни даа айткъанда, апансыздан бир нур сачкъан булут пейда олып, оларны кольгесинен къапатты. Шу булут ичинден бир сес чыкъты: — Бу Меним севимли Огълумдыр, Мен Ондан разым! Оны динъленъиз!
-
|Mateo 17:6| Бу сесни эшиткен шегиртлер буюк бир къоркъуда юзьлерини ерге берип йыкъылдылар.
-
|Mateo 17:7| Иса оларнынъ янына келип, оларгъа тийди де: — Къоркъманъыз, турунъыз! — деди.
-
|Mateo 17:8| Шегиртлер козьлерини котерип, янларында Исадан гъайры кимсени корьмедилер.
-
|Mateo 17:9| Дагъдан тюшкенде, Иса шегиртлерине: — Инсан Огълу олюлерден тирильмегендже, мында корьген шейлерни кимсеге айтманъыз, — деп буюрды.
-
|Mateo 17:10| Шегиртлери Ондан: — Не ичюн Къанун оджалары: «Башта Ильяс кельмек керек», — дейлер? — деп сорадылар.
