Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Mateo 20:1| Бойледже, Кок Падишалыгъы бунъа ошай: бир эфенди саба эрте озь юзюм багъына ыргъатларны кирагъа тутмакъ ичюн кете.
-
|Mateo 20:2| О ыргъатларнен кунюне бир динар бермеге келишип, оларны озюнинъ юзюм багъына йиберди.
-
|Mateo 20:3| Саат докъузларда о кене чыкъып, базар мейданында ишсиз тургъан башкъа адамларны корип,
-
|Mateo 20:4| оларгъа: «Сизлер де меним юзюм багъыма барынъыз, мен сизлерге ляйыкъ акъкъынъызны берерим», — деди. Олар бардылар.
-
|Mateo 20:5| Саат он экиде ве уйледен сонъ саат учьте о чыкъып, кене шойле япты.
-
|Mateo 20:6| Саат бешлерде де, акъшам устю даа бир кере мейдангъа чыкъып, анда ишсиз тургъан адамларны корьди де: «Не ичюн сизлер бу ерде кунь бою ишсиз турасыз?» — деп сорады.
-
|Mateo 20:7| Олар исе: «Бизлерни кимсе чалышмакъ ичюн кирагъа тутмады да», — дедилер. О оларгъа: «Сизлер де меним юзюм багъыма барынъыз», — деди.
-
|Mateo 20:8| Акъшам олгъанда, багънынъ саиби озюнинъ идаре хызметчисине: «Ыргъатларны чагъырып, оларгъа, сонъкилерден башлап биринджилеринедже иш акъларыны бер», — деп буюрды.
-
|Mateo 20:9| Саат бешлерде иш башлагъанлар келип, бирер динар алдылар.
-
|Mateo 20:10| Биринджи кельгенлер исе чокъча аладжамыз, деп тюшюндилер. Амма олар да бирер динар алдылар.
