Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Mateo 27:1| Саба эрте баш руханийлер ве халкънынъ акъсакъаллары, Исаны ольдюрмек къарарыны чыкъармакъ ичюн, бирлешип топландылар.
-
|Mateo 27:2| Оны багъладылар ве аким Пилатнынъ огюне алып бардылар.
-
|Mateo 27:3| Исаны саткъан Иуда исе, Онынъ олюмге укюм этильгенини билип, пешман этти ве отуз кумюшни баш руханийлер ве акъсакъалларгъа къайтарып:
-
|Mateo 27:4| — Мен гуна яптым, къабаатсыз адамны саттым, — деди. Олар исе: — Бундан бизлерге не? О сенинъ ишинъ! — дедилер.
-
|Mateo 27:5| Иуда исе акъчаларны Сарайда котерип атты ве о ерден кетип, озюни асты.
-
|Mateo 27:6| Баш руханийлер акъчаны алып: «Бу парада къан бар, оны хазинеге къоймагъа Къанун разылыкъ бермей», — дедилер.
-
|Mateo 27:7| Озьара анълашып, бу акъчагъа чет адамлар комюледжек мезарлыкъ ичюн чёльмекчининъ тарласыны сатын алдылар.
-
|Mateo 27:8| Шунынъ ичюн о тарла бу куньлерге къадар «Къан Тарласы» деп адлана.
-
|Mateo 27:9| Шунынънен Йирмея пейгъамбернинъ агъзындан айтылгъаны беджерильди:Исраиль огъуллары Онъа фият къойгъан отуз кумюшни алды.
-
|Mateo 27:10|Алла манъа буюргъан киби, чёльмекчининъ тарласыны сатын алдылар.
