Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Mateo 4:1| Сонъ Шейтаннынъ сынавындан кечмек ичюн, Рух Исаны сахрагъа алып барды.
-
|Mateo 4:2| Иса къыркъ кунь ве къыркъ гедже аштан вазгечип, пек ач олды.
-
|Mateo 4:3| Онынъ янына Сынавджы кельди де: — Эгер Сен Алланынъ Огълу олсанъ, айтчы, бу ташлар отьмек олсунлар! — деди.
-
|Mateo 4:4| Иса онъа джевап берип, шойле деди: — Алланынъ Китабында бойле язылгъан: Яшамакъ ичюн адамгъа ялынъыз аш ашамакъ етерли дегиль, онъа Алланынъ агъзындан чыкъкъан эр сёз керек.
-
|Mateo 4:5| Сонъ Шейтан Исаны Ерусалимге, мукъаддес шеэрге кетирди, Алланынъ Сарайы тёпесине къойып,
-
|Mateo 4:6| бойле деди: — Эгер Сен Алланынъ Огълу олсанъ, Озюнъни ашагъа ташлачы. Алланынъ Китабында язылгъан ки, О, Сенинъ акъкъынъда Озь мелеклерине эмир этер, ве олар Сени къолларында котерип кетерлер, аякъларынъ ташкъа сюрюнмез.
-
|Mateo 4:7| Иса онъа: — Анда даа язылгъан: Раббинъни, сенинъ Алланъны сынама, — деди.
-
|Mateo 4:8| Сонъ Шейтан Исаны пек юксек къая устюне чыкъартты. Дюньянынъ бутюн падишалыкъларыны ве оларнынъ шуретини Онъа косьтерип:
-
|Mateo 4:9| — Эгер тиз чёкип, манъа ибадет этсенъ, Санъа буларнынъ эписини берерим, — деди.
-
|Mateo 4:10| Иса исе деди: — Козюмден ёкъ ол, Шейтан! Алланынъ Китабында бойле язылгъан: Раббинъе Алланъа белинъни бук, тек Онъа ибадет эт.
