Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Mateo 21:1| Ерусалимге якъынлашкъанда, Зейтюн дагъы этегиндеки Бетфаге шеэрине етип кельдилер. Иса эки шегиртини ёллап:
-
|Mateo 21:2| — Къаршынъыздаки койге барынъыз, анда бир кереден багълы тургъан эшекни ве онынъ янында эшечикни корерсиз. Оларны чезип, Меним алдыма кетиринъиз.
-
|Mateo 21:3| Эгер бир кимсе сизге бир шей айтса, «Булар Раббимизге керек», — деп джевап беринъиз, ве о шу ань сизге оларны алмагъа рухсет этер, — деди.
-
|Mateo 21:4| Бу олгъан шей пейгъамбер аркъалы айтылгъан сёзлер беджерильмеси ичюн олды:
-
|Mateo 21:5|Сион къызына 10 айтынъыз: — Мына, Озю алчакъгонъюлли, яш эшекнинъ ве юк ташыгъан эшекнинъ баласы устюнде янынъа сенинъ Падишанъ келе.
-
|Mateo 21:6| Шегиртлер ёлгъа чыкъып, Исанынъ оларгъа буюргъаныны яптылар.
-
|Mateo 21:7| Эшекнен баласыны кетирип, оларнынъ устюне кийимлерни тёшедилер, ве урбалар устюне Иса минди.
-
|Mateo 21:8| Халкънынъ чокълугъы озь урбаларыны ёлгъа джайдырды. Базылары исе терек пытакъларыны кесип, ёлгъа тёшедилер.
-
|Mateo 21:9| Онынъ огюнде ве артында юргенлер: — Давут Огълуна шукюр! Раббининъ Ады иле Келеяткъанны шуретленъиз! Коклерде Аллагъа бинъ шукюрлер! — деп къычыра эдилер.
-
|Mateo 21:10| Иса Ерусалимге кирип кельгенде, бутюн шеэр: — Бу ким я? — деп арекетке кельди.
