Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Mateo 24:1| Иса Алланынъ Сарайындан чыкъып кетеяткъанда, Онынъ янына шегиртлери келип, Сарайнынъ биналарына дикъкъатыны джельп эттилер.
-
|Mateo 24:2| Иса оларгъа: — Буларнынъ эписини коресизми? Сизге догърусыны айтам: бу ерде таш устюнде таш къалмайджакъ, эписи бозуладжакъ, — деди.
-
|Mateo 24:3| Иса бир Озю Зейтюн дагъында отургъан вакъытта шегиртлери Онынъ янына келип, сорадылар: — Бизлерге айт: бу шейлер не вакъыт оладжакъ? Сенинъ келишинъни ве ахыр заман якъынлашкъаныны косьтерген бельги насыл оладжакъ?
-
|Mateo 24:4| Иса джевап берип оларгъа: — Ич кимсе сизлерни алдатмасын деп, сакът олунъыз!
-
|Mateo 24:5| Чокъ адамлар Меним Адым иле келип: «Мен Месихим», — деп, чокъ адамларны алдатаджакълар, — деди.
-
|Mateo 24:6| — Сиз якъын дженк шаматасыны ве узакъ дженк акъкъында хаберлерни эшитирсиз. Амма къоркъманъыз: ойле олмакъ керек. Лякин бу даа сонъу дегиль.
-
|Mateo 24:7| Халкъ халкъкъа къаршы, падишалыкъ падишалыкъкъа къаршы котериледжек. Тюрлю топракъларда ачлыкълар ве ер тепренювлери оладжакъ.
-
|Mateo 24:8| Буларнынъ эписи исе — тек буюк азапларнынъ башланувы.
-
|Mateo 24:9| О вакъытта сизлерни къыйнайджакълар ве ольдюреджеклер. Мен ичюн эписи халкъларнынъ адамлары сизлерден нефретленеджек.
-
|Mateo 24:10| Чокъ адам иманындан вазгечеджек, бир-бирини сатаджакъ, бир-бирини кореджек козьлери олмайджакъ.
