Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Mateo 12:11| Иса оларгъа: — Тасавур этинъиз: сизде бир къой бар, ве о, раатлыкъ куню къуюгъа тюшип кете. Аранъызда оны барып тартып чыкъармагъан адам тапылырмы? — деди.
-
|Mateo 12:12| — Инсан исе къойдан не къадар чокъ къыйметлидир! Шунынъ ичюн, Къанун боюнджа раатлыкъ кунюнде яхшылыкъ япмагъа мумкюн.
-
|Mateo 12:13| Сонъ Иса о адамгъа: — Къолунъны узат! — деди. Адам сакъат къолуны узаткъанынен, къуругъан къолу экинджи къолу киби сагълам олды.
-
|Mateo 12:14| Фериселер исе кетип топлаштылар ве Исаны насыл этип ольдюрмеге акъыл таныштылар.
-
|Mateo 12:15| Иса буны билип, о ерден кетти. Онынъ пешинден чокъ адам юрди. О эписини тедавийледи,
-
|Mateo 12:16| амма Озю акъкъында кимсеге бир шей айтмагъа ясакъ этти.
-
|Mateo 12:17| Шунынънен Ешая пейгъамбер аркъалы айтылгъан сёзлер мейдангъа кельди:
-
|Mateo 12:18|Мына — Мен сайлагъан Къулум, севгилим ве джанымнынъ чырагъы! Мен Онъа Озь Рухумны береджегим, О, эписи халкъларгъа адалетликни илян этеджек.
-
|Mateo 12:19|Давалашмаз О ве къычырмаз, кимсе Онынъ сесини эшитмейджек.
-
|Mateo 12:20|Адалетликни гъалебеге кетирмегендже, къопармаз О чатлакъ къамышны, сёндюрмез тютеп тургъан фитильни.
