Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Mateo 12:41| Ниневе шеэринде яшагъанлар Ахирет кунюнде бу несильнен берабер котерилип, оны къабаатлайджакълар. Олар Юнуснынъ огреткенини эшитип, тёвбе эткенлер. Мында исе Юнустан буюкчеси бар!
-
|Mateo 12:42| Дженюп къыраличеси Ахирет кунюнде бу несильнен берабер котерилип, оны къабаатлайджакъ. О, Сулейманнынъ икметли лафларыны динълемек ичюн, дюньянынъ о бир четинден кельген. Мында исе Сулеймандан буюкче Сою бар!
-
|Mateo 12:43| Арам рух инсандан чыкъкъан сонъ, сувсуз ерлерде быралкъыланып юре, озюне раатланмагъа ер къыдыра, амма тапалмай.
-
|Mateo 12:44| Сонъ озюне: «Мен чыкъкъан эвиме къайтып барайым да», — дей. Къайтып кельгенде исе, эвини бош, сипирильген ве джыйыштырылгъан алда тапа.
-
|Mateo 12:45| О вакъыт джин бара да, озюнинъ янына башкъа, даа бетер еди джинни ала ве оларнен эвге кирип ерлеше. Сонъра, о адамнынъ алы эвелькисинден бетер ола. Бу ярамай несильнинъ алы да шойле оладжакъ.
-
|Mateo 12:46| Иса адамларнен субетлешип тургъан вакъытта, Онынъ анасынен къардашлары эвнинъ огюнде, тышта турмакъта эдилер: олар Исанен лаф этмеге истегенлер.
-
|Mateo 12:47| Кимдир Исагъа: — Анда, тышарыда, ананънен къардашларынъ, Сеннен лаф этмеге истейлер, — деди.
-
|Mateo 12:48| Иса буны айткъан адамгъа джевап берип: — Меним анам ким? Къардашларым ким? — деди
-
|Mateo 12:49| ве къолунен шегиртлерини косьтерип: — Мына, Меним анам ве къардашларым! — деди.
-
|Mateo 12:50| — Ким Коклердеки Бабамнынъ ирадесини беджерсе, о Меним къардашым, къызкъардашым ве анамдыр.
