Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Писмо: Стандардна Библија 
-
Големиот ден на очистувањето
-
|Levítico 16:1| И му зборуваше Господ на Мојсеј по смртта на двајцата Аронови синови, кога тие, откако принесоа (туѓ оган) пред Господ, умреа;
-
|Levítico 16:2| и му рече Господ на Мојсеј: „Кажи му на братот твој Арон да не влегува во светилиштето зад завесата во секое време пред очистилиштето, што е врз ковчегот, за да не умре, бидејќи Јас ќе се јавувам над очистилиштето во облак.
-
|Levítico 16:3| Еве со што да влегува Арон во светилиштето: со теле како жртва за грев и со овен — за сепаленица.
-
|Levítico 16:4| Тој треба да го облекува осветениот ленен хитон, на долната половина од телото свое да има ленена облека и да се опашува со ленен појас, и ленен кидар да става — тоа се свети облеки; прво треба да го измие целото свое тело со вода и потоа да ги облекува.
-
|Levítico 16:5| И од заедницата на синовите израилски да земе Арон два козела како жртва за грев и еден овен — за сепаленица.
-
|Levítico 16:6| Потоа Арон да приведе теле како жртва за грев за себе, и така ќе се направи чист — себеси и домот свој,
-
|Levítico 16:7| па ќе ги земе двата козела и ќе ги постави кај вратата од скинијата на собранието, пред лицето Господово.
-
|Levítico 16:8| И тогаш Арон ќе фрли ждрепка за двата козела: една ждрепка за Господ, а другата за отпуштање.
-
|Levítico 16:9| И да го доведе Арон козелот на кој паднала ждрепката за Господ, и да го принесе како жртва за грев;
-
|Levítico 16:10| а козелот на кој паднала ждрепката за отпуштање, да го постави жив пред Господ, за да изврши над него обред за очистување и да го пушти во пустината за отпуштање (и тој ќе ги понесе врз себе сите нивни беззаконија во непроодна земја).
