Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Fore New Testament 
-
|Apocalipsis 16:1| Pigoya, naeba abuwagana, ka tabe awamu aga tabe mono namapisa uma tonaentisa tara umaema enisore kinaka maya uwaimintiye: Tigeba wamagiri, tonaentisa tara umaema tuꞌnapisa Koti nkamoꞌenawapa asunu kaegasigina mabinti tumeno, untiye.
-
|Apocalipsis 16:2| Piya yogana, marusa enisore yagarama wama tuꞌnankapa asunu kaegasogana mabinti tumintiye. Piya pogana, kabu kinaꞌma nkaraꞌena maema amata agisunta kinaꞌmipa tonarona esegi inamu tuꞌma iki nakiyena ibuntiye.
-
|Apocalipsis 16:3| Piya, aintisa enisore yagaramaba tuꞌnankapa asunu kaegasogana kayo wanipinti tumintiye. Piya pogana, kayo waninkamaba aꞌwae puma puꞌwanta kinaꞌma kura kanta pogana, kayo wanipinitsa iyoganta kinapa puꞌwaewantiye.
-
|Apocalipsis 16:4| Piya, kakaga enisore yagarama pabiyama tuꞌnankapa asunu kaegasogana anompabintibe nabaiꞌnami nkwanipintibe tumogana, aꞌwae puma korantana puntiye.
-
|Apocalipsis 16:5| Piya poga naeba abuwagana, wanita kabintome nkenisore yagaramaba maya untiye:Kaeba ibaba mite paipa mite aota takaꞌyane. Piya, ma nkantotaꞌenagapa aborakenaga arupu pene, iye.
-
|Apocalipsis 16:6| Piya, wasanamiba kaeti atokaeyume kinape poropete kinape iyeguyuguni korankaipa airiꞌma purintane, iye.Piya puguna, kaeba kanarasama igeꞌwai kurankaipa kamparaga potama antotaꞌena imukuni nantane, piya untiye.
-
|Apocalipsis 16:7| Piya, naeba abuwagana, aratarasa awamuꞌama mayama kegaꞌe untiye:Eya, Waꞌega Koti kaeba taberakaꞌyane. Antotaꞌena aborakenagaba kaeba tagantana puma arupuyena pene, piya untiye.
-
|Apocalipsis 16:8| Pigoya, tarawa tarawa enisore yagarama tuꞌnankapa maema pata asunu kaegasogana, otaogana, pankama yaku tasubuma wasanaba yaku irantiye.
-
|Apocalipsis 16:9| Piya, pi tabe pa ntakunkamaba irasu puma irabatogini, pi kinaꞌmiba Koti nkage, pi ataenaraka kabinti ntagarama nkage akayasotamagini, igupa kampa aꞌwae puma agegaꞌeba kampa asagayuntawe.
-
|Apocalipsis 16:10| Pigoya, nayakaꞌmu enisore yagarama tuꞌnankapa asunu kaegasogana, kabu kinaꞌma nkwaꞌega aemu yabaera tumintiye. Tumogana, pi kabu kinaꞌma kabiyome kinaꞌwampitiba tunusu waewantiye. Piya pogini, igeba agasiya iki nakiyena maema intebu utisa pumagini,
