Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Fore New Testament 
-
|Apocalipsis 16:11| iki nakiyenawaikabe inamonkaikabe mantabintisa Kotikaba akayasotamagini, ata yugawaika kampa igupa aꞌwae puntawe.
-
|Apocalipsis 16:12| Pigoya, tonaentisa kaꞌumaema enisore yagarama tuꞌnankapa asunu kaegasogana Yuparatisi anompapi tumintiye. Piya pogana, wanipa tagankaogana pa nkirosamitisa mabisa waꞌegama kanakena kipa iꞌma aogi puntiye.
-
|Apocalipsis 16:13| Piya, naeba agauwagana, kakaga ke kinaꞌmi taro kanta pumagini, tabe kuyewama nkawamupisabe, kabu kinaꞌma nkawamupisabe, kumpari poropetewama nkawamupisabe irosaugu agantuwe.
-
|Apocalipsis 16:14| Piya, pi kinaꞌmiba igeba ke kina mima toma toma awameꞌena pewe. Piya, igeba aꞌyaꞌma mabisa waꞌega kinaꞌmiti nasima aki puwaitamagini, taberakaꞌya Koti tabe kanabi maꞌena pukenaga aki puwaitakena pewe.
-
|Apocalipsis 16:15| We, abiyo. Nae tigeti tumpa ku kina kanamisa puma kanama ampa aborawaekuwe, iye. Piya, wasanama kampa awaitaminta mima, kaiwapa aogima ami uꞌma piyisa puma mimagina, auka mima wasana iyobi ani pisanaga yokege pukibiꞌnaba aꞌmuntanabi mpiyeno, piya untiye.
-
|Apocalipsis 16:16| Piya, pi ke kinaꞌmiba igeba mabisa waꞌega aki puwaitaugu agantuwe. Pi nkaki puwaitakena aukaꞌigaba Iburu kamanapisaba: Amagetoniwe, yewe.
-
|Apocalipsis 16:17| Pigoya, tonaentisa tara umaema enisore yagarama tuꞌnankapa asunu kaegasogana esibabinti tumogana, tabe mono namapintisa, Waꞌegawama nkaemu yabaerasa awamuꞌamaba tabe kigaꞌe yogana, maya uma tumintiye: Pipa iba aꞌya wano, untiye.
-
|Apocalipsis 16:18| Piya yogana, apaya purite waogana, antaru uta wama tabera aga yogana, agasiya imima puntiye. Pi nkimimapa taberakaꞌyane. Piya, mabi mintanta kinaꞌmiba paipa tabe imimapa piyama pogini kampa agantane.
-
|Apocalipsis 16:19| Aibogana, pi tabe Pebironi kumapa aigasagasubaꞌma kakaga atuntana pogana, aꞌyaꞌma maga maga kumapa akasaba kaintiye. Piya, Kotiba Pabironi kumaka napimagina otaogana, pi kumatasa kinaꞌmiba wainiba kapubisa nawaegasisa puma, Koti nkagasiya amuꞌenaba nawaeyugu agantuwe.
-
|Apocalipsis 16:20| Aibogana, aꞌyaꞌma wanipintisa maba aegaka wagasogana, to ka amupa kampa waintogini agantawe.
