Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Fore New Testament 
-
|Apocalipsis 6:1| Pigoya, naeba agauwapa, sipisipi awaroma tonaentisa tara umaema kaꞌmerasa asaemaranta ka akaosaoga agantuwe. Agauwagana, tarawa tarawaki iyoganta kinapisa kapa antaru yisa puma kegaꞌe uma: Kanao, yoga abintuwe.
-
|Apocalipsis 6:2| Piyama abima agauwapa, we, ka wae nkosi aboraogana akabata irebu wantaga yagara aboraoga agantuwe. Aepa tabe kinaꞌmi taminokupa amuguna, maꞌena puma agasi kina kanta puma wama asugaikena maꞌena puta waoga agantuwe.
-
|Apocalipsis 6:3| Piya, sipisipi awarowamaba kaꞌmerasa asaemaranta tara akaosaogana, aintisaena aoganta kinaꞌmaba: Kanao, yoga abintuwe.
-
|Apocalipsis 6:4| Piyama abuwapa, to ka autiba tete puwanta osi aborantiye. Aboraogana otaogana, akabata miyome ntagaramaba mampabisa paruyena agarubakena esegiyenaba amintiye. Eya, to kinaꞌmi to kina iyeguyigina purikena esegiyena amimagina, pika tabe paroya ntogipa amoga, agantuwe.
-
|Apocalipsis 6:5| Piya, sipisipi awaromaba kaꞌmerasa asaemaranta kakaga akaosaogana, kakaga aoganta kinaꞌmaba: Kanao, yoga abintuwe. Piyama abima agauwapa, we, ka tunu nkosi aboraogana, akabata sigeri ayapi wantaga yagara aboraoga agantuwe.
-
|Apocalipsis 6:6| We, tarawa tarawaki iyoganta kinaꞌmi nkikapisa awamu aga yoga abuwagana, maya untiye: Naya taraꞌmutasa araisiba uwaena kankabentobi aꞌyigi atao, untana: Piya, to kakaga kankabebi pari nakenaenaba naya taraꞌmutasa aꞌyigi atama, apabe wainibe kaga ataiyo, untiye.
-
|Apocalipsis 6:7| Piya, sipisipi awaromaba kaꞌmerasa asaemaranta tarawa tarawaki akaosaogana, tarawa tarawaki aoganta kinaꞌmaba: Kanao, yoga abintuwe.
-
|Apocalipsis 6:8| Piyama abima agauwapa, we, to ka asasu auꞌyaga osi aboraogana, akabata miyome ntagarama nkageba purikenaenawe. Aibogana kawamaba aegaurite wantiye. Pi taramisipa uwaisitaoginisi, mabisa tupa kakaga uwa atate ka tu aegukena esegiyenaba maentase. Eya, paroya ntogitasabe, igaꞌenarasabe, iki nakiyenarasabe, kabu kinatasabe, iyegukenaena yokege pusugu agantuwe.
-
|Apocalipsis 6:9| Pigoya, sipisipi awaromaba kaꞌmerasa asaemaranta naya kaꞌmu akaosaoga agauwapa, kaꞌisa purinta kinapa arataꞌama nkamentapinti mintugu agantuwe. Piya, pi kinaꞌmiba Koti kamanapa wasima awaga kamanaꞌwapa uma aborauguni kama kinaꞌmiba iyeguyugu, igu imankaipa agantuwe.
-
|Apocalipsis 6:10| Piya, pi nkimankaimpaba tabera kegaꞌe uma maya untawe: We, aꞌyaꞌmaenama kabintampe Waꞌega, kaeba aota taga takaꞌya mpiyene. Ayaki yaga wagasakana kaeba mabisa kinapa kamanapa uwaitamagina, koratempa nkantotapa imikibene, untawe.
