Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Fore New Testament 
-
|Apocalipsis 4:1| Pi kamana unamoga, mantabinti agauwapa, ka kabiba aꞌwai waintoga agauwagana, marusa awamu, pikuriꞌama yemisa puma unaminti nkawamuꞌama to ka maya uma unamintiye: Kaeba mata iyega, ainti aborakenaenaba kayakekana agao, unamintiye.
-
|Apocalipsis 4:2| Piya unamoga, agora uma Awamusaꞌamati atokaema mima agauwapa, mantabinti Waꞌegawama nkaemu yabaeba waintiti kaꞌwaina maraꞌmintoga agantuwe.
-
|Apocalipsis 4:3| Pi maraꞌmikena yagaraba aeba taberabe yasipa yabape tete koniriyo yabape taꞌneraꞌne pisa puma mintoga agantuwe. Piya, pi nkaemu yabaera ka kobawama yanta emero yabankama eꞌwara eꞌwara pisa puma ainkintoga agantuwe.
-
|Apocalipsis 4:4| Piya, pi nkaemu yabaera to 24-wa waꞌega kinaꞌmi nkiyemu yabaeba ainkintogini, 24-wa anasa kinaꞌamana kana iyemu yabaera mintugu agantuwe. Igeba waentanamana potamagini, iꞌnotiba korirasa pumaranta waꞌega kinaꞌmi taminoku purintugu agantuwe.
-
|Apocalipsis 4:5| Piya, Waꞌegawama nkaemu yabaerasaba apayaena puma aga uma antaru yoga abintuwe. Pi nkaemu yabaewama nkaowariba tonaentisa tara umaema kani ikegana eꞌwasa poga agantuwe. Piya, pi kanipa tonaentisa tara umaema Koti Nkawamusaꞌama nakgowe.
-
|Apocalipsis 4:6| Piya, pi nkaemu yabaewama nkaoriba tabe kayo wani kantaba poga agantuwe. Pipa pemonta kanta puma agabasasa puntiye.
-
|Apocalipsis 4:7| Piya, maru aoganta kinaꞌmaba arayonima nkaoga pogana, ainti aoganta kinaꞌmaba purumaka nkaoga pogana, kakagaenamaba wasanama nkaoga pogana, tarawa tarawaꞌenamaba paꞌwakena kegeba nkaoga puntiye.
-
|Apocalipsis 4:8| Pi tarawa tarawaki iyoganta kina ka ka tonaentisa kaꞌumaema igaga waintogana, uwaena iyo intabaipintibe itibe pumaewaintoga, agantuwe. Aibuwagini, igeba arape asekape iniba mayama uyaba mintantawe:Taberakaꞌya Waꞌega Koti aeba aota, aota, aotaꞌyaga mintiye.Aeba pai mintantipe, iba mintipe, ainti mirite wakibipe, taga takaꞌyane, piya untawe.
-
|Apocalipsis 4:9| Piya, iyoganta kinaꞌmiba igeba aemu yabaera miyaba miyemiꞌna nkagegaꞌeba maete ima asagayuma iꞌmu potawe.
-
|Apocalipsis 4:10| Piya pegini, 24-wa anasa kinaꞌmiba aemu yabaera miyemiꞌnakaba irakabitama parokaemagini, aꞌyaꞌma yaga miyaba miyemiꞌna nkagisewe. Eya, igeba waꞌega kinaꞌmi taminokuꞌwaipa pi nkaemu yabaera maebuma amintini, ini mayama yewe:
