Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Fore New Testament 
-
|Apocalipsis 8:1| Pigoya, sipisipi awaromaba tonaentisa tara umaema asaemaranta kaꞌmerasa akaosaogana, mantabinti aꞌyaꞌmaenaba paka puwama apu-awa kamanapa kampa untawe.
-
|Apocalipsis 8:2| Aibugu to agauwapa, Koti nkaora asima miye tonaentisa tara umaema enisore kinaꞌmi aboraugu agauwagana, tonaentisa tara umaema pikuri imogini maentawe.
-
|Apocalipsis 8:3| Piya maeyuguna, to ka enisore yagarama kanamagina, kaema agunta pasaꞌatakena kori tuꞌna u uꞌma aratara ampa asintiye. Asiyogini, igeba aogi agunta ukenaenaba uwaena amuguna, aeba aꞌyaꞌma Kotiti atokaeyume kinaꞌmi ntunamuwai mpaema kapi aki puwaitamagina, aemu yabaewama nkaora kori aratara aeba kaema aguntaba pasaꞌatantiye.
-
|Apocalipsis 8:4| Piya, Koti nkaora miyume enisorewama nkayapisaba aogi agunta ukenaenama kunkawamabe, Kotiti atokaeyume kinaꞌmi ntunamuwaimpabe, kaga aogima intiye.
-
|Apocalipsis 8:5| Piya pogana, pi enisorewamaba pi tuꞌnapa maema yakupa aratarasa maema pumaetama, pi ntakupa mabinti maebugaintiye. Maebugasogana, antaru uma ago yogana, apayaena purite waogana, maba imima poga, agantuwe. Tarawa tarawaki enisore kinaꞌmiba pikuriba pukantawe
-
|Apocalipsis 8:6| Aibogana, pi tonaentisa tara umaema pikuri mae urintume enisore kinaꞌmiba pukakena yokege puntawe.
-
|Apocalipsis 8:7| Pigoya, marusa enisorewamaba pikuriwatasa pukaogana, kabayarape yakupe korantaga aꞌyugu puma, mabinti tubuma tumintiye. Piya tumogana, mabe yabe tara aukaꞌisa awatepa uwa waiyogana, ka aukaꞌisa awate yaku tawamagina, aꞌyaꞌma apararetare kabuyenabeba yaku tawaewaoga, agantuwe.
-
|Apocalipsis 8:8| Pigoya, aintisa enisorewamaba pikuriwatasa pukaogana, yaku abuyaga tabe amu kantaenaba maebugasogana kayo wanipinti tumintiye. Tumogana, tara aukaꞌisa awatepa uwa waiyogana, kayo wanipa ka aukaꞌiba korantana puwantiye.
-
|Apocalipsis 8:9| Piya pogana, kayo wanipintisa iyogama mintume kinaꞌmiba tara aukaꞌisa uwa mintuguni ka aukaꞌisa puꞌwaewauguna, wanipisa kareba tara aukaꞌisa uwa waintogana, ka aukaꞌisaba ata puwaewaoga, agantuwe.
-
|Apocalipsis 8:10| Pigoya, kakaga enisorewamaba pikuriwapa pukaogana, ka tabe nori mantabintisa tubuma eꞌama nkeꞌwasa pusu purite tumimagina, tara aukaꞌisa uwa atamagina, anompapintibe nakena wanipintibe ka aukaꞌi tumogana ata puwaewantiye.
