Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Fore New Testament 
-
|Apocalipsis 9:1| Pigoya, nayakaꞌmu enisorewamaba pikuriwapa pukaogana, ka noriwama manta kaitegina tubuma mabi tumoga agauwagana, abe kampa wainta kawama kiba amogana maentiye.
-
|Apocalipsis 9:2| Piya maemagina, kana ka aigogana, pi kabintisaba kunka kima tabe yakunkama kunka kiyisa puntiye. Piyama kimagina, pape mantabe airarikaeyogana tunusu wantiye.
-
|Apocalipsis 9:3| Aibogana, pi kunkabisa uwaena iroꞌamaba mabinti aboraogana, patakabama wasana iba nakena esegiyenaba imintiye.
-
|Apocalipsis 9:4| Imimagina mayama uwaitantiye: Tigeba mampabisa apararetare kabuyena aꞌnobe yabe a-nkata potaiyo. Kampaye. Koti nkaraꞌena iꞌnebi kampa wainta kinaꞌmana ata puwaitaiyo, iye.
-
|Apocalipsis 9:5| Piya, tigeba pi kinapa opa nayakaꞌmuta iki nakiyena puwaitamagiri, a-nkiyeguyigini puriyo, piya uwaitaoga abintuwe. We, pi iroꞌama nkimikena iki nakiyenaba patakabama wasana iba nama iki nakiyena pemisa poga agantuwe.
-
|Apocalipsis 9:6| We, pi kanabipa wasanamiba purikena ki kuꞌenaba pugagategini, kampa agakibewe. Eya, purisanaga ibugakibemipa, purikenaenamaba aegaka wagaikiye.
-
|Apocalipsis 9:7| Piya, nae agauwapa, kana iroꞌamaba osirasa maꞌena pukena arabasa puma arabaogana, iꞌnotiba taminokuꞌwaipa korirasa pumaranta kanta pogana, iyowamaba wasana iyo kanta puntiye.
-
|Apocalipsis 9:8| Piya, ibiyaꞌamaba eꞌero puma wayaꞌmi nkibiya kanta pogana, iwawamaba araiyoniwama nkiwa kanta puntiye.
-
|Apocalipsis 9:9| Piya, ibaꞌwaimpaba kapa maꞌena iꞌana kanta pogana, igaga agawamaba uwaena osiwama kare paiburite maꞌenari waisa kamana uma aga puntiye.
-
|Apocalipsis 9:10| Piya, iyegeꞌamaba patakabama nkaege kanta puma, wasanaba aba nakena yokege puntiye. Eya, opa nayakaꞌmuta wasana iki nakiyena puwaitakena esegiyenawaipa iyegeta waintoga, agantuwe.
