Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Fore New Testament 
-
|Apocalipsis 14:1| Piya, naeba to agauwapa, we, Yerusaremi kumata Saiyoni amuti sipisipi awarowama asintogini, 144,000 kina kaga asintugu agantuwe. Piya, pi kinaꞌmi nkiꞌnebi sipisipi awaroma nkagebe abawampa nkagebe kaga kaentine.
-
|Apocalipsis 14:2| Aibogana, mantabintisa tabe kamana tumoga abuwagana, pi kamanaꞌamaba tabe wani nkabawama usu pumagina, tabe antaru yisa puntiye. Piya, pi kamanaꞌamaba iniwama usa puma, wasanami kita aeguyegana yisa kamana untiye.
-
|Apocalipsis 14:3| Pi unta kinaꞌmiba kasa ini ka uma, Koti nkaemu yabaera uma, pi tarawa tarawaki iyoganta kinaꞌmi nkiyobipe anasa kinaꞌmi nkiyobipe ini untawe. Piya yuguni, pi 144,000-wa mabisa kina, Koti ika puma ibabemi, pi kinaꞌamana pi kasa iniba abikena puntawe.
-
|Apocalipsis 14:4| Pi kinaꞌmiba igeba wayapa kampa maenta kina kanta puma, nare ntare puma mimagini, aꞌyaꞌma kumati sipisipi awaro wakena pemitapa, igeba ae aegarawe. Piya, mabisa kinaꞌmi ikapisa pi kinapa Koti ika puwaitagini, igeba paitaratama Kotitibe awarowampatibe ka tuntana puma mintawe.
-
|Apocalipsis 14:5| Piya, ige iwamupisa kumpari kamana kapa kampa aboraogini, igeba nare ntare kina mintugu agantuwe. Kakaga enisore kinaꞌmiba kamana untawe
-
|Apocalipsis 14:6| Pigoya agauwapa, to ka enisore yagara paꞌurite manta akapinti waoga agantuwe. Piya, ae yugawapa aogima waiyaba kamana uma aborama mabisa kina uwaimikenaenawe. Aeba uma aborama aꞌyaꞌma maga maga kinaꞌmitibe, aꞌyaꞌma tupisa kinaꞌmitibe, aꞌyaꞌma to kamana to kamana ye kinaꞌmitibe, aꞌyaꞌma to iꞌyaga to iꞌyaga kinaꞌmitibe aborakena yuga puntiye.
-
|Apocalipsis 14:7| Piya pumagina, aeba tabera kegaꞌe uma maya untiye: Koti antotaꞌena aborakena kanaꞌwapa aboragiri, tigeba Kotikaba tiyekuru puma agisiyo, untiye. Eya, mantabe mabe kayo wanipe nabaiꞌnami wanipe aborantiꞌna nkagisiyo, piya untiye.
-
|Apocalipsis 14:8| Pigoya, to ka enisorewamaba marusa enisorema nkakaꞌi aborama maya untiye: Pebironi kumapa ata puwaye. Ata puwaye, untiye. Pi tabe kumatasa ago kinaꞌmiba aꞌyaꞌma maga maga kinaꞌmitiba kumiyena iꞌnintana aborauguni, igeba waini wani ntama aibo pesa puma aegaꞌma kumiyena puntawe. We, pi tabe kumapa aya puwaye, untiye.
-
|Apocalipsis 14:9| Pigoya, to ka enisorewama tara enisoremisi nkisikaꞌi aborama tabera kegaꞌe uma maya untiye: Piya, kaꞌwainaba kabu kinaꞌmabe amankape agisuma, aiꞌnerano, aeyatano araꞌenawapa maekibipa,
-
|Apocalipsis 14:10| waini namisa puma Koti nkamoꞌenaba kaga maema nakiye, untiye. Eya, wasanama wanipa kampa maenta waini abiwa kankabebi atama maema nama aꞌyugu pisa puma, Koti nkamoꞌenama nkesegiyenamana nakiye. Piya, yakunkamabe yakupisa kaguꞌamabe auki nakiyena aboramima, aota enisore kinaꞌmi nkiyobipe sipisipi awaroma nkaobipe aboramekana ataenabi mikiye.
