Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Fore New Testament 
-
|Apocalipsis 22:11| Pi kanaꞌwakaba ataena peꞌnagiba ataena pikena puntanaba peno. Iꞌnintana peꞌnagiba iꞌnintana pukena puntanaba peno. Piya, arupuyena peꞌnagiba arupuyena pukena puntanaba peno. Aota miyeꞌnagiba aota mikena puntanaba aota miyeno, untiye.
-
|Apocalipsis 22:12| Abo. Naeba agarosama kanamagi, antotaꞌenanentaga irosaꞌmagi, aꞌyaꞌma wasana pentanawaika ikankaipa kaꞌmasa puma aꞌwae puma imikuwe, iye.
-
|Apocalipsis 22:13| Piya, naeba paitanta yagara mite aintisa yagara mite puma, marusabe atutasabe aꞌyaꞌmaenama nkagonawe, piya untiye.
-
|Apocalipsis 22:14| Piya, itasaenaba wani nkaema aebarupaꞌnagiba, igeba iꞌmuntanabi mpikibewe. Piya peꞌnagipa uwaitakini eꞌwasaena maekena yawamankapa namagini, pi kumaꞌama kabirasa wama antabaipinti ubasigina kanarasano.
-
|Apocalipsis 22:15| We, yaga kara kanta pe kinape, kiyoꞌena pe kinape, kumiyena pe kinape, wasana iyeguye kinape, ama koti nkagise kinape, aꞌyaꞌma kumpariꞌena ibugagina aegaꞌma pe kinape, igeba Koti kumaꞌama nkabeꞌi mikibewe, piya untiye.
-
|Apocalipsis 22:16| Piya: Naeba Isuna, naeba enisorene agarubaogana monota aiꞌaru pe kinaꞌmititi wama ma nkawaga kamanapa uma aborarimiye. Piya, naeba Tebiti tupisa ago aiꞌne nawe. Naeba abayara eꞌwasa nori nawe, piya untiye.
-
|Apocalipsis 22:17| Pigoya, Awamusaꞌamage sipisipi awaroma nkwaeꞌmage: Kanao, untase. Wasana ma kamana abiꞌnaba: Kanao, yeno. Piya, wanika abemiꞌnaba aeba kanano. Eya, eꞌwasaena maekena wanika abemiꞌnaba aeba kanama eꞌwasa wanipa uwa ampaema nano. Nagarikena kamanane
-
|Apocalipsis 22:18| Pigoya, wasanami ma nkisapisa Koti nkawamupisa kamanapa abeꞌnagipa, naeba esegi kamanapa maya urimuwe: Piya, kaꞌwaina ma kamanata kaꞌisa to kamana atokaekibipa, Kotiba ma nkisapisa wasana ata puwaitakena kamanaꞌama nkauꞌwapa aeti atokaetakiye.
-
|Apocalipsis 22:19| Piya, to kaꞌwaina ma nkisapisa Koti nkawamupisa kamanatasa kaꞌisa maegaikibemipa, aogi antotaꞌenawapa Kotiba maegaikiye. Eya, eꞌwasaena maekena yagabe, aota kumakabe unti nkantotaꞌenawapa maegaikiye.
-
|Apocalipsis 22:20| Pigoya, ma kamana uma aborama: Taga, tagane, yika, aeba: Karuꞌena kanakuwe, iye. Eya, Waꞌega Isu kaeba karuꞌena kanao.
