Tua Palavra

|Ezequiel 7:1| ויהי דבר-יהוה אלי לאמר:

|Ezequiel 7:2| ואתה בן-אדם, כה-אמר אדני יהוה לאדמת ישראל קץ; בא הקץ, על-ארבעת (ארבע) כנפות הארץ:

|Ezequiel 7:3| עתה הקץ עליך, ושלחתי אפי בך, ושפטתיך כדרכיך; ונתתי עליך, את כל-תועבתיך:

|Ezequiel 7:4| ולא-תחוס עיני עליך ולא אחמול; כי דרכיך עליך אתן, ותועבותיך בתוכך תהיין, וידעתם כי-אני יהוה: פ

|Ezequiel 7:5| כה אמר אדני יהוה; רעה אחת רעה הנה באה:

|Ezequiel 7:6| קץ בא, בא הקץ הקיץ אליך; הנה באה:

|Ezequiel 7:7| באה הצפירה אליך יושב הארץ; בא העת, קרוב היום מהומה ולא-הד הרים:

|Ezequiel 7:8| עתה מקרוב, אשפוך חמתי עליך, וכליתי אפי בך, ושפטתיך כדרכיך; ונתתי עליך, את כל-תועבותיך:

|Ezequiel 7:9| ולא-תחוס עיני ולא אחמול; כדרכיך עליך אתן, ותועבותיך בתוכך תהיין, וידעתם כי אני יהוה מכה:

₁₀

|Ezequiel 7:10| הנה היום הנה באה; יצאה הצפרה, צץ המטה, פרח הזדון: