Tua Palavra

|Ezequiel 23:1| ויהי דבר-יהוה אלי לאמר:

|Ezequiel 23:2| בן-אדם; שתים נשים, בנות אם-אחת היו:

|Ezequiel 23:3| ותזנינה במצרים, בנעוריהן זנו; שמה מעכו שדיהן, ושם עשו, דדי בתוליהן:

|Ezequiel 23:4| ושמותן, אהלה הגדולה ואהליבה אחותה, ותהיינה לי, ותלדנה בנים ובנות; ושמותן שמרון אהלה, וירושלם אהליבה:

|Ezequiel 23:5| ותזן אהלה תחתי; ותעגב על-מאהביה, אל-אשור קרובים:

|Ezequiel 23:6| לבשי תכלת פחות וסגנים, בחורי חמד כלם; פרשים רכבי סוסים:

|Ezequiel 23:7| ותתן תזנותיה עליהם, מבחר בני-אשור כלם; ובכל אשר-עגבה בכל-גלוליהם נטמאה:

|Ezequiel 23:8| ואת-תזנותיה ממצרים לא עזבה, כי אותה שכבו בנעוריה, והמה עשו דדי בתוליה; וישפכו תזנותם עליה:

|Ezequiel 23:9| לכן נתתיה ביד-מאהביה; ביד בני אשור, אשר עגבה עליהם:

₁₀

|Ezequiel 23:10| המה גלו ערותה, בניה ובנותיה לקחו, ואותה בחרב הרגו; ותהי-שם לנשים, ושפוטים עשו בה: ס