Tua Palavra

|Ezequiel 15:1| ויהי דבר-יהוה אלי לאמר:

|Ezequiel 15:2| בן-אדם מה-יהיה עץ-הגפן מכל-עץ; הזמורה אשר היה בעצי היער:

|Ezequiel 15:3| היקח ממנו עץ, לעשות למלאכה; אם-יקחו ממנו יתד, לתלות עליו כל-כלי:

|Ezequiel 15:4| הנה לאש נתן לאכלה; את שני קצותיו אכלה האש ותוכו נחר, היצלח למלאכה:

|Ezequiel 15:5| הנה בהיותו תמים, לא יעשה למלאכה; אף כי-אש אכלתהו ויחר, ונעשה עוד למלאכה: ס

|Ezequiel 15:6| לכן, כה אמר אדני יהוה, כאשר עץ-הגפן בעץ היער, אשר-נתתיו לאש לאכלה; כן נתתי, את-ישבי ירושלם:

|Ezequiel 15:7| ונתתי את-פני בהם, מהאש יצאו, והאש תאכלם; וידעתם כי-אני יהוה, בשומי את-פני בהם:

|Ezequiel 15:8| ונתתי את-הארץ שממה; יען מעלו מעל, נאם אדני יהוה: פ