Tua Palavra

|Ezequiel 18:1| ויהי דבר-יהוה אלי לאמר:

|Ezequiel 18:2| מה-לכם, אתם משלים את-המשל הזה, על-אדמת ישראל לאמר; אבות יאכלו בסר, ושני הבנים תקהינה:

|Ezequiel 18:3| חי-אני נאם אדני יהוה; אם-יהיה לכם עוד, משל המשל הזה בישראל:

|Ezequiel 18:4| הן כל-הנפשות לי הנה, כנפש האב וכנפש הבן לי-הנה; הנפש החטאת היא תמות: ס

|Ezequiel 18:5| ואיש כי-יהיה צדיק; ועשה משפט וצדקה:

|Ezequiel 18:6| אל-ההרים לא אכל, ועיניו לא נשא, אל-גלולי בית ישראל; ואת-אשת רעהו לא טמא, ואל-אשה נדה לא יקרב:

|Ezequiel 18:7| ואיש לא יונה, חבלתו חוב ישיב, גזלה לא יגזל; לחמו לרעב יתן, ועירם יכסה-בגד:

|Ezequiel 18:8| בנשך לא-יתן, ותרבית לא יקח, מעול ישיב ידו; משפט אמת יעשה, בין איש לאיש:

|Ezequiel 18:9| בחקותי יהלך ומשפטי שמר לעשות אמת; צדיק הוא חיה יחיה, נאם אדני יהוה:

₁₀

|Ezequiel 18:10| והוליד בן-פריץ שפך דם; ועשה אח, מאחד מאלה: