Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|2 Reyes 6:1| Пейгъамберлернинъ шегиртлери Эль-Ясагъа: — Сенинъ янынъда яшагъан еримиз бизге тарлыкъ эте.
-
|2 Reyes 6:2| Иордан озени янына барайыкъ да, бирер терек кесип, озюмизге анда яшамагъа ер къурайыкъ, — дедилер. Эль-Яса оларгъа: — Айды, барынъыз, — деди.
-
|2 Reyes 6:3| Олардан бириси: — Ялварам, сен де къулларынънен бирликте бар, — деди. — Айды, барайым, — деди Эль-Яса
-
|2 Reyes 6:4| ве оларнен берабер барды. Олар Иордангъа келип, терек кесип башладылар.
-
|2 Reyes 6:5| Бириси терекни йыкъаяткъанда, балтасы сувгъа тюше. О, къычырып: — Вай, эфендим! Балтаны къулланмагъа сорап алгъан эдим я! — деди.
-
|2 Reyes 6:6| Алланынъ адамы: — Къайда тюшти? — деп сорады. Адам балта тюшкен ерни косьтерди. Эль-Яса терек парчасыны кесип анда атты, ве балта сув устюне ялдап чыкъты.
-
|2 Reyes 6:7| Сонъ: — Озюнъе ал, — деди. Адам къолуны узатып, балтаны алды.
-
|2 Reyes 6:8| Бир кунь Арамнынъ падишасы исраиллилерге къаршы дженкке чыкъты. Озь хызметчилеринен акъыл танышты ве: — Озь ордуларымны фелянча ерде ерлештиририм, — деди.
-
|2 Reyes 6:9| Алланынъ адамы Исраиль падишасына бойле хаберни йиберди: «Сакъын, шу ерден кечме, чюнки анда арамлылар баралар».
-
|2 Reyes 6:10| Исраиль падишасы Алланынъ адамы айткъан ерге хабер йиберип, адамларгъа сакът олмагъа деди ве шу ерни къоруды. Бу шей бир къач кере олды.
