Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|2 Reyes 6:11| Арамнынъ падишасы шу себептен гъазапланды. Хызметчилерини чагъыртып, олардан: — Айтынъыз манъа, бизимкилерден ким Исраильнинъ падишасына ярдым эте? — деп сорады.
-
|2 Reyes 6:12| Хызметчилерден бири: — Кимсе, падиша-эфендилерим! Амма Исраильнинъ Эль-Яса адлы пейгъамбери Исраиль падишасына сен ятакъ оданъда айткъан шейлерни биле айтып бере, — деди.
-
|2 Reyes 6:13| Падиша: — Барынъыз, онынъ къайда олгъаныны билинъиз. Сонъ мен адамларны ёллап, оны тутарым, — деди. Падишагъа бойле хабер кельди: «О, Дотан шеэринде».
-
|2 Reyes 6:14| Дотангъа атлыларны, дженк арабаларыны ве буюк бир ордуны йиберди. Анда гедже келип, шеэрни сардылар.
-
|2 Reyes 6:15| Саба эрте турып, Алла адамынынъ хызметчиси чыкъты ве шеэрни сарып алгъан орду, атлар ве арабаларны корьди. Келип, эфендисине: — Вай, эфендим! Энди не япармыз? — деди.
-
|2 Reyes 6:16| Эль-Яса: — Къоркъма! Бизнен олгъанлар оларнен олгъанлардан чокъ, — деди.
-
|2 Reyes 6:17| Сонъ Эль-Яса дува окъуп башлады ве: — Я РАББИ! Онынъ козьлерини ач, корьсюн, — деди. РАББИ хызметчининъ козьлерини ачты, ве о, Эль-Ясанынъ этрафындаки бутюн дагъ атешли атлар ве арабаларнен толу олгъаныны корьди.
-
|2 Reyes 6:18| Арамлылар бастырып кельгенде, Эль-Яса РАББИге дува этип: — Бу миллетнинъ козьлери кёр олсун! — деди. РАББИ, Эль-Ясанынъ сёзлерине коре, оларны кёр этти.
-
|2 Reyes 6:19| Эль-Яса оларгъа: — Бу — башкъа ёл, бу — башкъа шеэр. Меним пешимден келинъиз, мен сиз къыдыргъан адамгъа сизни алып кетерим, — деди ве оларны Самарие шеэрине кетирди.
-
|2 Reyes 6:20| Олар Самариеге кельгенде, Эль-Яса: — Я РАББИ! Оларнынъ козьлерини ач, корьсюнлер, — деди. РАББИ оларнынъ козьлерини ачкъанда, Самариенинъ ортасында олгъанларыны корьдилер.
