Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|2 Reyes 18:1| Эла огълу Хошеа Исраильде учюнджи йыл падишалыкъ эткенде, Ахаз огълу Хизкия Ехуданынъ падишасы олды.
-
|2 Reyes 18:2| Падиша олгъанда, о, 25 яшында эди ве Ерусалимде 29 йыл девамында падишалыкъ япты. Анасы — Зекъарья къызы Ави эди.
-
|2 Reyes 18:3| Хизкия РАББИнинъ огюнде эр бир шейде бабасы Давут киби догъру ишлер япып яшай эди.
-
|2 Reyes 18:4| О, ибадет тёпелерини ёкъ этти, пут ташларыны парча-парча этти, Ашера путуна табынма диреклерини кести, Муса япкъан бакъыр йыланны йыкъты. Аля шу куньлерге къадар исраиллилер онынъ огюнде къокъулы отларны якъа эдилер ве онъа «Нехуштан 11» дей эдилер.
-
|2 Reyes 18:5| Хизкия Исраильнинъ Алласы олгъан РАББИге ишана эди. Онынъ киби инсан, ондан эвель ве сонъра Ехуда падишалары арасында олмады.
-
|2 Reyes 18:6| О, РАББИге пек япышты, РАББИнинъ пешинден къалмады, РАББИ Мусанен буюргъан эмирлерни тута эди.
-
|2 Reyes 18:7| РАББИ эр вакъыт онен эди. Эр бир туткъан иши онъ келе эди. Хизкия Ашшур падишасына къаршы котерильди, онъа хызмет этмеге истемеди.
-
|2 Reyes 18:8| О, Гъазагъадже чевре-четиндеки къаравул къуллесинден башлап пекитильген шеэрлерге баргъандже, эр ерде фелестинлилерни енъди.
-
|2 Reyes 18:9| Хизкия дёртюнджи йыл падишалыкъ эткенде, яни Эла огълу Хошеа Исраильде единджи йыл падишалыкъ эткенде, Ашшур падишасы Шалманесер Самарие шеэрине къаршы чыкъты ве оны алкъагъа алды.
-
|2 Reyes 18:10| Учь йыл сонъра оны запт этти. Бу, Хизкия падишалыгъынынъ алтынджы йылында эди. Исраиль падишасы Хошеанынъ докъузынджы йылында Самарие шеэрини басып алдыдар.
