Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|2 Reyes 18:11| Ашшур падишасы исраиллилерни Ашшургъа сюргюн этти, оларны Халах еринде, Гозаннынъ озени янындаки Хаворда ве мадайлыларнынъ шеэрлеринде ерлештирди.
-
|2 Reyes 18:12| Исраиллилер РАББИ-Таалянынъ сёзлерини динълемеген ве Онынъ васиетини бозгъан, РАББИнинъ къулу Мусанынъ эмирлерине бойсунмайып, оларны беджермеген эдилер.
-
|2 Reyes 18:13| Хизкия 14-юнджи йыл падишалыкъ эткенде, Ашшур падишасы Санхерив Ехуданынъ бутюн пекитильген шеэрлерине къаршы чыкъып, оларны алды.
-
|2 Reyes 18:14| Ехуда падишасы Хизкия Лакиш шеэринде тургъан Ашшур падишасына хабер йиберди: — Мен къабаатлым. Менден чекиль. Не къадар сорасанъ, шу къадар тёлерим, — деди. Сонъ Ашшур падишасы Ехуда падишасы Хизкиягъа 300 чувал кумюш ве 30 чувал 12 алтын бергини юкледи.
-
|2 Reyes 18:15| Хизкия онъа РАББИнинъ Сарайында ве падиша сарайынынъ хазинелеринде тапылгъан бутюн кумюшни берди.
-
|2 Reyes 18:16| О вакъытта Ехуда падишасы Хизкия РАББИ Сарайы къапуларынынъ ве диреклерининъ алтыныны да кесип, Ашшур падишасына берди. О, озю оларны алтыннен къапламагъа буюргъан эди.
-
|2 Reyes 18:17| Ашшур падишасы озь башкоманданыны, баш везирини ве орду башыны буюк ордусынен берабер Лакиш шеэринден падиша Хизкиягъа Ерусалимге ёллады. Олар Ерусалимге кельди. Келип, юкъары хавуздан акъкъан арыкъ янында токътадылар. О ер, токъумаларны ювып къуруткъан тарлагъа баргъан ёлундадыр.
-
|2 Reyes 18:18| Падишаны чагъырттылар. Оларгъа сарай башлыгъы Хилкия огълу Эльяким, языджы Шевна ве тарихчы Асаф огълу Ёах чыкътылар.
-
|2 Reyes 18:19| Орду башы оларгъа бойле деди: — Хизкиягъа айтынъыз: Ашшурнынъ улу падишасы бойле дей: Сен кимге ишанасынъ?
-
|2 Reyes 18:20| Сенинъ айткъан шейлеринъ — бош лаф. Дженк этмек ичюн акъыл танышув ве къувет керек. Сен исе манъа къаршы котерилип, кимге ишанасынъ?
