Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|2 Reyes 21:1| Менашше падиша олгъанда, 12 яшында эди. О, Ерусалимде 55 йыл девамында падишалыкъ япты. Анасынынъ ады — Хефци-Вах.
-
|2 Reyes 21:2| Менашше РАББИнинъ огюнде ярамай шейлер япып яшады, РАББИ Исраиль огъулларынынъ огюнден къувалагъан халкъларгъа уйып, пис шейлер япты.
-
|2 Reyes 21:3| О, бабасы Хизкия ёкъ эткен ибадет тёпелерини гъайрыдан тикледи, Баалгъа къурбан ерини къурды, Исраиль падишасы Ахав киби, Ашера путуна табынма дирегини ясады, коклернинъ ордусына табынды ве хызмет этти.
-
|2 Reyes 21:4| РАББИ: «Мында Меним Намым оладжакъ», — дегенине бакъмадан, о, РАББИнинъ Сарайында чешит къурбан ерлерини къурды,
-
|2 Reyes 21:5| РАББИ Сарайынынъ эки азбарында коклернинъ ордусына къурбан ерлерини къурды.
-
|2 Reyes 21:6| О, огълуны атештен кечирди, аляметлерни бакъып келеджекни айтты ве фал бакъты, джинлерни чагъыргъанларны ве ольген адамларнынъ рухларынен лаф эткенлерни озюнинъ янына топлады. РАББИнинъ огюнде о, чокъ ярамай шейлер япты ве РАББИни гъазапландырды.
-
|2 Reyes 21:7| Менашше РАББИнинъ Сарайында озю яптыргъан Ашера путуны ерлештирди. Шу Сарай акъкъында РАББИ Давуткъа ве огълу Сулеймангъа: «Шу Сарайда ве Исраильнинъ бутюн къабилелеринден Мен сайлангъан Ерусалим шеэринде Меним Намым даима оладжакъ.
-
|2 Reyes 21:8| Эгер Меним эмирлеримнинъ эписини ве Меним къулум Муса буюргъан бутюн Къанунны тутып беджерселер, исраиллилер Мен баба-деделерине берген ерден бир даа чыкъмазлар», — деген эди.
-
|2 Reyes 21:9| Лякин халкъ къулакъ асмады. Менашше оларны ёлдан ойле урды ки, олар тап РАББИ Исраиль огъулларынынъ огюнде ёкъ эткен миллетлерден бетер шейлер яптылар.
-
|2 Reyes 21:10| Шунынъ ичюн РАББИ, Озь къуллары пейгъамберлеринен бойле деди:
