Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|2 Reyes 1:1| Ахавнынъ олюминден сонъ, Моав Исраильге къаршы котерильди.
-
|2 Reyes 1:2| Ахазья исе Самариедеки эвининъ юкъары одасынынъ пармакълыгъындан йыкъылып яраланды. Эльчилерине эмир берип: «Барынъыз, Экрон шеэрининъ алласы олгъан Баал-Зевувдан соранъыз ки, Мен ярамдан тедавийленир экенимми?» — деп, оларны ёллады.
-
|2 Reyes 1:3| РАББИнинъ Мелеги тишбели Ильяскъа бойле деди: — Тур, Самарие падишасынынъ эльчилерини къаршыламагъа чыкъ да, оларгъа бойле айт: «Не? Исраильнинъ Алласы ёкъмы ёкъса? Экрон алласы олгъан Баал-Зевувдан сорамагъа кетесинъизми?
-
|2 Reyes 1:4| Шунынъ ичюн РАББИ бойле дей: “Яткъан тёшегинъден турмайджакъсынъ, мытлакъа оледжексинъ!”» Бундан сонъ Ильяс кетти.
-
|2 Reyes 1:5| Эльчилер къайтып кельдилер. Ахазья олардан: — Нечюн къайтып кельдинъиз? — деп сорады.
-
|2 Reyes 1:6| Олар: — Бир адам бизни къаршыламагъа чыкъты ве бойле айтты: «Барынъыз, сизни йиберген падишагъа къайтып кетинъиз, онъа бу сёзлерни айтынъыз: “РАББИ бойле дей: Не? Исраильнинъ Алласы ёкъмы ёкъса? Экрон алласы олгъан Баал-Зевувдан сорамагъа кетесинъизми? Шунынъ ичюн, яткъан тёшегинъден турмайджакъсынъ, мытлакъа оледжексинъ!”» — дедилер.
-
|2 Reyes 1:7| Ахазья: — Сизни къаршыламагъа чыкъып, бу сёзлерни айткъан адамнынъ корюниши насыл эди? — деп сорады.
-
|2 Reyes 1:8| Олар: — Шу адам пек юньлю, белиндеки къушагъы териден эди, — дедилер. Ахазья исе: — Бу — тишбели Ильяс, — деди.
-
|2 Reyes 1:9| Сонъра падиша эллибашыны элли аскеринен бирликте Ильяскъа йиберди. Эллибашы онъа барды. Ильяс исе дагънынъ тёпесинде отурмакъта эди. Эллибашы онъа: — Эй, Алланынъ адамы! Падиша санъа ашагъы тюшмеге риджа эте, — деди.
-
|2 Reyes 1:10| Ильяс эллибашына джевап берип: — Эгер мен Алланынъ адамы олсам, коктен атеш энсин де, сени де, аскерлеринъни де якъсын, — деди. Шу дакъкъасы коктен атеш энип, эллибашыны ве онынъ аскерлерини якъты.
